Riitstelig

D Ritstellig, s Rite oder d Riterstellig isch eini vo de beliebtiste Positione bim Gschlächtsverchehr. Drbii lit dr Partner, wo penetriert, uf em Rugge; dr Partner, wo penetriert wird, stigt über ihn und chneulet oder hockt uf ihm und füehrt sich si Schwanz in d Vagina oder in Anus ii. Die Stellig isch bsundrigs geignet, wenn dr Partner, wo penetriert, wäge Verletzige oder körperligi Behindrige in siner Bewegigsfähigkeit iigschränkt isch.

Die Stellig cha heterosexuell vom ene Maa und ere Frau, aber au homosexuell vo zwei Manne und, wenn die unde sich e Dildo aaschnallt, au vo zwei Fraue braktiziert wärde.

Praxis

Für dr Partner, wo penetriert wird, het die Stellig dr Vordeil, ass er vil Kontrolle über e Gschlächtsverchehr het. D Penetration isch dief und dr oberi Partner cha d Diefi, d Intensität und dr Rhytmus vo dr Penetration kontrolliere. Bim Vaginalverchehr isch d Stimulierig vo dr Klitoris meistens nit sehr intensiv, mä cha aber mit dr Hand nochhälfe oder dr Maa cha d Riibig vom Penis gege d Klitoris versterke, wenn er dra zieht. Bim Analverchehr zwüsche zwei Manne isch d Stimulation vo dr Prostata aber nit iigschränkt.

Vordeil

D Partner hai Blickkontakt und chönne sich Schmütz gee.
D Frau chunnt sehr liicht mit de Händ an d Klitoris.
Die oberi Person isch in ere relativ stabile Position und muess ihre Körper nit mit de Händ abstütze, wie in andere Stellige.
Dr underi Partner muess si Gwicht au nit stütze wie bi andere Stellige. Er cha aktiv wärde und mit siim Becki ufwärtsstoosse, cha sich aber eifach lo goh und ohni eigeni körperligi Aasträngig zur sexuelle Befriidigung choo.
Dr underi Partner chann d Brüst vo siner Partnerr bzw. dr Torso vo sim Partner guet gseh und striichle.
Dr underi Partner cha d Füdlebacke vo sim Partner aalänge. Bim Vaginalverchehr isch s au mòglig, gliichzitig dr Anus z stimuliere.

Vordeil für Fraue

Bi dr Ritstellig befindet sich d Frau in ere aktive Position und het ehnder d Kontrolle as zum Bischbil bi dr Missionärstellig. Näbe dr sexuelle Befriidigung bietet d Riterstellig d Mögligkeit, mit dr sexuelle Dominanz z spiile und z experimentiere. Mänggi Fraue hai s gärn, wenn si d Kontrolle über e Maa hai, und sini Arm festhalte. Manne möge s mänggisch, wenn si d Arm vo dr Frau hinder deren ihrem Rugge festhalte.

Variante

Bi dr umkehrte Ritstellig sitzt dr oberi Partner eso uf em undere, ass dä si Rugge gseht (A tergo).

Bi dr Amazoneritstellig lit dr Partner, wo penetriert wird, uf em Partner, wo penetriert. Dr Name vo dere Stellig wird vo de sagehafte Amazone vo dr Antike härgleitet, wo sich uf ihre Ross bückt hai und mit eme chrumme Rugge gritte si und sich drbii an dr Hals vo de Dier gschmiegt haige.

Amazone-Ritstellig, Aquarell vom Johann Nepomuk Geiger
Umkehrti Ritstellig, vom Mihály Zichy
Variation noch Masters und Johnson

Weblingg

Commons: Reitstellung – Sammlig vo Multimediadateie

Dä Artikel basiert uff ere fräie Übersetzig vum Artikel „Reitstellung“ vu de dütsche Wikipedia. E Liste vu de Autore un Versione isch do z finde.