Missionärstellig
D Missionärstellig, wüsseschaftlig ventro-ventrali Kopulation, bezeichnet e Position bim Gschlächtsverchehr, wo bim Mensch hüfig brucht wird. Drbii lit d Frau mit gspreizte Bei uf em Rugge und dr Mann lit uf ere. Bim Gschlächtsverchehr under Manne isch bi dr Missionarsstellig dr Partner, wo penetriert, au obe. Dr Name chunnt nit, wie mä hüfig dänggt, drvo, ass christligi Missionär bim Missioniere brobiert haige, die Stellig as die einzig richdigi duurezsetze, wie dr Alfred C. Kinsey behauptet het.
Biologii[ändere | Quälltäxt bearbeite]
Mensche und e baar Primate ghöre zu de wenige Arte, wo ventro-ventral kopuliere und eso vil diräkter uf d Mimik vom Partner chönne reagiere. Im Dierriich isch das Baarigsverhalte sälte, am hüfigste chunnt s bi de Bonobo vor[1] Meistens isch s in Gfangeschaft beobachdet worde, erst 2008 bi Flachlandgorilla in freier Wildbahn.[2]
Fuessnote[ändere | Quälltäxt bearbeite]
- ↑ Frans de Waal: Bonobo Sex and Society Archivlink (Memento vom 25. Septämber 2011 im Internet Archive)
- ↑ Gorillas mögen die Missionarsstellung, Die Welt vom 20. Februar 2008
Weblingg[ändere | Quälltäxt bearbeite]
Commons: Missionarsstellung – Sammlig vo Multimediadateie
