Reiner Kirsten

Us der alemannische Wikipedia, der freie Dialäkt-Enzyklopedy
dr Reiner Kirsten

Dr Reiner Kirsten (burgerlige Name: Reiner Jäkle, * 16. Septämber 1969 z Elzach) isch e dytsche Sänger vu volksdimlige Schlager un Moderator. Är isch dr jingscht Suhn vum Musiker-Eebaar Jäkle, wu zäme mit ire segs Chinder syt dr 1970er Johr as Schwarzwaldfamilie Jäkle ufdrätten isch.

Lääbe[ändere | Quälltäxt bearbeite]

Dr Kirsten isch zäme mit syne fimf Gschwischtrig z Oberprechtal ufgwagse. Mit syre Familie isch er scho mit fimf Johr as Schlagzyger uf dr Bihni gstande. Är het Akkordeon glehrt un het Gsangsunterricht gnuu. No dr Schuelzyt het er zerscht Telekommunikationstächniker glehrt. Bis in d 1980er Johr het er mit syre Schwarzwaldfamilie Jäkle fimf Albe vereffetligt. Anne 1995 isch sy erscht Soloalbum uusechuu (Schmetterlinge im Regen), wun er große Erfolg mit ghaa het. Syterhär widmet si dr Kirsten ganz dr Karriere as Sänger.

1996 isch er mit em Lied Der Schäfer von Monte Castello fir d Schwyz bim Grand Prix der Volksmusik derby gsii un isch uf dr 6. Blatz chuu. Är het derno Ufdritt ghaa bi dr ZDF Superhitparade (1997, 1998, 1999 un 2000) un bi andere volksdimlige Sändige, wie zem Byschpel dr Schlagerparade der Volksmusik.

1999 isch dr Reiner Kirsten bim Grand Prix der Volksmusik 1999 fir Dytschland mit Wir leben, wir lieben uf dr 7. Blatz chuu un 2001 mit Da war Musik in allen Herzen uf Blatz 12. 2003 isch er wider bim Grand Prix der Volksmusik derby gsii mit em Titel Hörst du?.

Am 4. Februar 2001 het er zum erschte Mol s ZDF-Sonntagskonzert moderiert. Anderi Sändige im nämlige Jahr het er im Wägsel gmacht mit dr Uta Bresan vu Dresden.

Är isch ghyrote un het e Suhn.

Ehrige[ändere | Quälltäxt bearbeite]

  • Herbert-Roth-Bryys vum MDR

Diskografy[ändere | Quälltäxt bearbeite]

Single[ändere | Quälltäxt bearbeite]

  • Der Schäfer von Monte Castello – 1996
  • Du da oben – 1997
  • Ein kleines Teufelchen – 1998
  • Zauber der Berge – 1999
  • Wir leben, wir lieben – 1999
  • Ganz in Weiß – 1999
  • Komm und lass uns kuscheln – 2000
  • Heut scheint die Sonne mir mitten ins Herz – 2000
  • Heimkehr zur Weihnachtszeit – 2000
  • Mein kleines Paradies – 2001
  • Da war Musik in allen Herzen – 2001
  • Was ich wirklich mag – 2002
  • So bist Du – 2003
  • Aus Liebe gemacht – 2004
  • Bella Napoli – 2005
  • Mehr als tausend Träume – 2006

Albe[ändere | Quälltäxt bearbeite]

  • Schmetterling im Regen – 1995
  • Alles für Dich allein – 1996
  • Der Schäfer von Monte Castello – 1996
  • Ich wünsch Dir Zeit – 1998
  • Zeit zum Träumen – 1999
  • Danke, dass wir Freunde sind – 2000
  • Jedes Lächeln bringt Glück – 2001
  • Was ich wirklich mag – 2002
  • Aus Liebe gemacht – 2004
  • Hast du heut Zeit für mich – 2005
  • Was Rosen Dir erzählen – 2007
  • Ewige Liebe – 2009
  • Träumer wie Du – 2012
  • Ein Geschenk des Himmels – 2014

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Reiner_Kirsten“ vu de dütsche Wikipedia. E Liste vu de Autore un Versione isch do z finde.