Insle Riichenau

Us der alemannische Wikipedia, der freie Dialäkt-Enzyklopedy
(Witergleitet vun Reichenau (Insel))
Riichenau
d Vogelpärspektive us Norde (im Hindergrund s Schwizer Uufer)
d Vogelpärspektive us Norde
(im Hindergrund s Schwizer Uufer)
d Vogelpärspektive us Norde
(im Hindergrund s Schwizer Uufer)
Gwässer Bodesee
Geographische Lage 47° 42′ N, 9° 4′ OKoordinate: 47° 42′ N, 9° 4′ O
Reichenau (Baden-Württemberg)
Reichenau (Baden-Württemberg)
Reichenau
Reichenau
Lengi 4.5 kmdep1
Breiti 1.6 kmdep1
Flechi 4.3 km²dep1
Hechschti Hebi d Hochwart
438,7 m ü. NHN
Hauptort Mittelzäll

D Insle Riichenau isch mit 4,3 km² Flächi die gröschti Insle im Bodesee.

Wälterb[ändere | Quälltäxt bearbeite]

Sit em Johr 2000 isch si mit em Chloschder Riichenau uf dr UNESCO-Lischte vom Wälterb. D Begründig vo dr UNESCO isch, ass es hervorragends Züügnis vo dr religiöse und kulturelle Rolle vom enä groosse Benediktinerchloschter im Mittelalter siig. S Chloster isch ane 724 vom Pirmin ggründet wore.

Lag vo dr Insle Riichenau

Geografii[ändere | Quälltäxt bearbeite]

D Insle Riichenau liit im westlichste Tail vum Bodesee, em Undersee, zwüsched de Städt Konschdanz und Radolfzell. De höchsti Punkt uf de Insle isch d Höchacht, wo mit fast 439 m über Meer öpe 43 m über em Seespiegel liit. D Insle isch ä Dail vo dr dütsche Gmaind Riichenau im Landkrais Konschdanz in Bade-Württebärg. D Gmaind Riichenau het 5100 Iiwohner. Ä chlii meh as 3300 Lüüt drvo läbe uf dr Insle in de drei Schdreusiidlige Ober-, Mittel- und Niiderzell. Dr Räscht wohnt uf em Feschtland in de Ortsdeil Waldsidlig und Lindebüehl, wo au zur Gmaind Riichenau ghöre.

Südoschtsiite vo dr Insle Riichenau

Verkeer[ändere | Quälltäxt bearbeite]

Bis 1838 isch d Riichenau würkli e Insle gsi und nume mit em Schiff erreichbar. Dänn hät me en 1,3 km lange Damm uufgschütted, wo e Zuefahrt mit Ross und Wage vom nordöstliche Festland möglich gmacht het. Hüt isch de Damm guet uusbaut und e wichtigi Verbindig, nöd nu för d Bewohner, sondern au för d Turiste und d Lastwäge, wo s Gmües, wo uf de Insle aabaut werd, zu de Verkaufsstelle bringed.

Südweschtufer vo dr Insle Riichenau
D Insle Riichenau vo Hegne us

Sehenswürdikaite[ändere | Quälltäxt bearbeite]

Uf de Riichenau gits näbed de vile Gwächshüüser drüü christlichi Bauwärk aazluege. Si sind alli uf de Liste vom UNESCO-Wälterb.

Da wäred:

  • d Basilika Sankt Georg z Oberzäll
  • s ehemolige Benediktinerchloster mit em Münster Sankt Maria und Markus z Mittelzäll
  • d Chile Sankt Peter und Paul z Niderzäll

Weblink[ändere | Quälltäxt bearbeite]

 Commons: Insle Riichenau – Sammlig vo Multimediadateie



Dä Artikel basiert uff ere fräie Übersetzig vum Artikel „Reichenau“ vu de dütsche Wikipedia. E Liste vu de Autore un Versione isch do z finde.