Regine Hengge

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Undermarkgreflerisch

D Regine Hengge (* 2. Novämber 1956[1] z Drossinga) isch e dytschi Mikrobiologi un Molekularbiologi. Si isch Brofässeri vu dr Humboldt-Universiteet z Berlin un forscht zue dr Frog wie Bakterie uf Sträss reagiere un zue dr Bildig vu Biofilm. Anne 1998 isch si mit em Gottfried Wilhelm Leibniz-Bryys vu dr Dytsche Forschigsgmainschaft (DFG) uuszaichnet wore.

Lääbe un Wiirke[ändere | Quälltäxt bearbeite]

D Regine Hengge het ire Biologystudium an dr Universiteet Konschtanz absolviert un isch dert in dr Arbetsgruppe vum Winfried Boos mit ere Arbet iber d Sekretion vu periplasmatische Protein bi Escherichia coli promoviert wore. Si isch derno an d Princeton University gange, wu si in dr Arbetsgruppe vum James R. Broach gschafft het. Anne 1989 isch si an d Universiteet Konschtanz retuurchuu un het dert iri aige Arbetsgruppe zur Forschig an dr bakteriälle Strässreaktione uböuef. Dr Schwärpunkt isch doderby uf dr molekulare Signaltransduktion un Genregulation in Bakterie gsii, wu Nährstoffmangel uusgsetzt sin. Im Johr 1994 isch si in Mikrobiology un Molekularbiology habilitiert wore.

Anne 1998 het si fir iri Forschig dr Gottfried Wilhelm Leibniz-Bryys vu dr Dytsche Forschigsgmainschaft (DFG) iberchuu. Im nämlige Johr isch si as Brofässeri fir Mikrobiology an di Frei Universiteet Berlin gruefe wore, isch 2013 an d Humboldt-Universiteet gwächslet un het dert dr Lehrstuel fir Mikrobiology im Inschtitut fir Biology ibernuu.[2] Iri neiere Forschigsarbete kunzäntriere si syterhär uf bakterielli Biofilm, wu fir chronischi Infäktionschrankete zäntral wichtig sin. Do inträssiert vor allem d Funktion vum sekundäre Botestoff Cyclic-di-GMP, di kumpläx Architäktur vu Biofilm un d Hämmig vu dr Biofilmbildig dur Naturstoff.

D Regine Hengge isch Sprächeri vu dr DFG-Schwärpunktprogramm „Proteolysis in Prokaryotes“ un „Nucleotide Second Messengers in Bacteria“ un Mitglid vum Exzellänz-Cluster „BildWissenGestaltung“ vu dr Humboldt-Universiteet z Berlin. Syter 2010 macht si zäme mit em Günther Grosser s Wisseschaftskommunikationsprojäkt Science&Theatre am English Theatre Berlin.

Uuszaichnige un Mitglidschafte[ändere | Quälltäxt bearbeite]

Fir iri wisseschaftlig Arbet isch d Regine Hengge 1998 e baar Mol uuszaichent wore, dodrunter[2]

  • 1984–1987: Postgraduate Fellowship vum Boehringer Ingelheim Fonds
  • 1993: Noowuchsforschigsbryys vu dr Dytsche Gsellschaft fir Mikrobiology un Hygiene (DGHM)
  • 1995: Dozäntestipendium vum Fonds vu dr Chemische Induschtry
  • 1996: Landesforschigsbryys Bade-Wirttebärg
  • 1998: Gottfried Wilhelm Leibniz-Bryys Dytsche Forschigsgmainschaft (DFG)[3]
  • 2009: ERC Advanced Researcher Grant

D Regine Hengge isch Mitglid vu dr Berlin-Brandenburgische Akademy vu dr Wisseschafte, dr Dytsche Akademy vu dr Naturforscher Leopoldina, dr European Molecular Biology Organization (EMBO), dr European Academy of Microbiology (EAM) un dr American Academy of Microbiology (AAM).[2]

Familie[ändere | Quälltäxt bearbeite]

D Regine Hengge isch d Dochter[4] vum Grafiker un Fotograf Felix Hengge (1924–2013).[5][6] Iri Dochter isch s Model Elisabeth Aronis.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Ideentransfer zwischen Ost und West: Vorhaben wurde aus knapp 1600 Anträgen ausgewählt. Prässemitdailig vu dr Freie Universiteet Berlin zue dr Bewilligung vum Projäkt „Cyclic-di-GMP: New Concepts in Second Messenger Signaling and Bacterial Biofilm Formation“ dur dr Europäisch Forschigsrot vum 9. Dezämber 2009.
  2. 2,0 2,1 2,2 Lebenslauf uf dr Syte vu dr Humboldt-Universiteet z Berlin.
  3. Liste der Leibniz-Preisträger 1986-2016
  4. Schwäbische Zeitung online, 24. Januar 2001
  5. Trauer um Felix Hengge, Neckarquelle online, 1. Juni 2013
  6. Archivierte Kopie. Archiviert vom Original am 13. April 2019; abgruefen am 11. November 2020.
Information icon.svg Dä Artikel basiert uff ere fräie Übersetzig vu dere Version vum Artikel „Regine_Hengge“ vu de dütsche Wikipedia. E Liste vu de Autore un Versione isch do z finde.