Real Humans – Echte Menschen

Dialäkt: Mìlhüüserisch

„Real Humans“ - „Echta Menscha“ („Äkta Människor“, uf Swedisch) ìsch a schwedischa Television-Serie. Sa ìsch vum Lars Lundström gschrìewa worra un vu da Stefan Baron un Henrik Widman produziart worra.

Üsstràhlung

Ma hàt dia Serie s erschta Mol àm 22. Janner 2012 uf em swedischa Sander SVT1 känna sah. Ìn Ditschlànd un ìm Frànkrìch hàt dr Sander arte àm 4. Àwrìl 2013 d Serie fànga-n-à zeiga.

D zweita Reiha ìsch àm 1. Dezamber 2013 uf em swedischa Sander SVT1 üssakumma, un àm 15. Mai 2014 uf arte.

D Gschìchta

Erschta Reiha

As hàndelt sìch um a Science-Fiction Walt, wo Android-Robotter ìm Àlltàg vu da Menscha gheera. Sa wara „Hubot“ gnannt, fer „Human-Robot“. D Menscha düen sa fer verschìedena Zwack verwanda: fer d Àrwet, àls Krànkapflager, fer Sex, usw. Ma kààt sa ìm „Hubot-Market“ kàuifa, wia gweenliga Màschìna.

S Gschìchtla pàssiart ìn Schweda. A pààr Hubots làuifa ìm Wàld umma, sa sìn nìt wia normàla Hubots, sa han sìch vu da Menscha befrèit un pràwiara so güet às meeglig allei z'ìwerlawa. Dernawa ìsch d Fàmìlia Engman, wo a Krànkapflager-Hubot fer dr Großvàter kàuift, un aui a Dàma-Hubot fer ìn dr Fàmìlia ìhra Hüsshàlt z'màcha.

As gìtt a Polizèi-Brigàda wo sìch extrà um d Hubots bekìmmert. Wia mìt da Computer oder mìt da Handy, pràwiara Teil ìhra Hubots z'andra, fer ìhna bessera Leischtunga züebrìnga - as ìsch zwàr verbotta, àwer Hacker gìtt's doch ìmmer. D Hubots han aui Fìnd: Menscha wo Àngscht han àss sa ìn dr Züekunft ìhra Àrwet oder sogàr ìhra Màcht waga da Hubots kännta verliara.

In da 10 Episode vu dr erschta Reiha entwìckelt sìch a spànnenda Gschìchta, mìt Ìwerràschunga un komischa Flashback. So làngsàm wìrd d Frog gstellt, ìwer dr Unterschìed zwìscha d kìnschtliga Ìntelliganz vu da Hubots un d „echta“ Perseenligkeit vu da Menscha.

Zweita Reiha

Wia war's, wenn d Hubots vu'ma Computervirus ààgsteckt warta? Kännta sa fer d Menscha gfahrlig wara?

Externa Links