Computervirus

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel beschäftigt sich mit Computervire, anderi Bedütige vum Begriff Virus lueg bi Virus
Karrikatur vun nem Computervirus

E Computervirus isch e kleini Programmroutine, wo, wenn si emol uff eme Computer isch, sich sälber reproduziere cha. Dr Virus hängt sich an Computerprogramm oder ans Betribsystem aa und veräderet die. Das fiert zu Störige im Betrib oder zu Verluscht vo Date oder Programm. Im schlimmschte Fall isch dr befalleni Computer gar nümmi funktionsfähig und muess vo Grund uff neu installiert wärde.

Im Gegesatz zu Computervire, wo einzelni Computer befalle, göhn Computerwürm uff Netzwärk los und befalle die. Und denn gits no sogenannti Trojanischi Ross, wo sich als nützlichi Programm tarne und unter dr Oberflechi doch sogenannti Malware, also schädligi Software enthalte.

Computervire finde bsunders gueti Verbreitig uf private Computer, wo d'Anwender deilwiis us Bequemlichkeit, Uwisseheit oder au Notwendigkeit mit Administartorrächte schaffe. Säll isch vor allem bi Rechner mit eme Betribssystem us dr Windows-Familie dr Fall, wil vili Windows-Programm vu Drittabieter ufgrund vu schlampiger Programmierig Administrator-Rächt verlange, oder wil vorkonfigurierti Windows-Rechner ussem Lade vu vorneri so usicher konfiguriert sin.

Hauptifallsdor fer Vire sin Computerprogramm, wo yber s'Internet uf d'Trident-Rendering-Engine vu Windows zruckgriffe. Sälli isch dief im Betribssystem verankeret un dorum au bsunders afällig.

E ganzi Softwareindustri läbt rächt ordentlich vum Schutz vu so igrichtete Rechner. Es git uf em Märt diwärsi Antivireprogramm z chaufe. Zum Tail chames im Internet gratis abelade, zum Tail sinds choschtepflichtig.