Rütihard

Dialäkt: Baaseldütsch

D Rütihard isch e Hoochterrasse westlig vo Muttez und bi dr Bevölkerig seer beliebt as Noocherholigsgebiet. Si isch dr nördligst Abschnitt vom Gämpeblatoo, won e Däil vom Daafeljura isch, isch in dr Keuperzit im Oobertrias entstande und goot bis uf e Hööchi vo 350 müM uufe, öbbe sächzig Meter hööcher as dr Dorfkärn. Rund ums Blatoo, wo under anderem d Hündeler e Blatz häi zum iiri Hünd dressiere, stönde Wälder, won e Däil drvo zum Natuurschutzgebiet erkläärt worde si. In de Roothalle will mä eso alti Äiche und Bueche schütze, wo siibe Fläädermuusarte und verschideni Vogelarte wie Hoolduube und dr sälteni Middelspächt din niste. Es git meereri chliini Bächli, wo Füürsalamander lääbe, und e Weijer, dr Roothalleweijer, wo in meerere lokale Saage voorchunnt.

Fuessnoote

47.5157.635