Röti

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Röti
Blick vo der Hasematt zur Röti

Blick vo der Hasematt zur Röti

Hechi 1'395,2 m ü. M.
Lag Rüttene, Kanton Soledurn, Schwiz
Gebirg Wiissestei, Jura
Dominanz 5,9 km → Hasematt
Schartehechi 1.213 m ↓ Hinder Wiissestei
Geografischi Lag 606760 / 23412147.2579627.5279341395.2Koordinate 47° 15′ 29″ N, 7° 31′ 41″ O; CH1903: 606760 / 234121
Röti (Solothurn)
Röti

f

D Röti isch e Bärg vom Jura. Sini Hööchi isch 1395 Meter über Meer.

Er isch e markanti Hööchi vo dr vorderschte Jurachetti und e guete Uusichtspunkt, wil der Bärgwald sid langem ganz umghauen isch zum Platz z mache für die grossi, schöni Bärgmatte wos dört obe jetz het. Do dervo chunt gwüss au dr Name, wo druff zrugggoot, ass me dä weneli abheltig Bärghang hööch uf em Bärg obe groodet het für ne Sumerweid. Das mues vor vil Joorhunderte gscheh sy, me weis nid gnau wenn.[1]

Uf dr Oschtsyte hets under dr Röti e hööchi Flue über em Tal vo dr Siggere. Die Gäget ghört scho zu Balm.

D Bärgmatte vo dr Röti lyt im Gmeindbann vo Rüttene; au dä Ortsname zeigt dütlech aa, ass es e Sidlig uf ehemoligem Waldboden isch. D Gmeind lyt im Kanton Soledurn. D Röti isch dr dritthöchscht soledurnisch Bärg.

Sid em achzääte Joorhundert bruucht me dr Gupf vo dr Röti zum s Land z vermässe. E Bläächpiramide uf drüü Ysefüess marggiert dr geodätisch Punkt vo de Vermässer. Es isch sid em nüünzääte Joorhundert eine vo de wichtigschte Pünkt vo dr Schwiizer Landestriangulazioon, bsunders au wil me vo dört uus nid nume wyt über s Schwiizer Middelland, näi, au bis übere zu de Vogeese und zum Schwarzwald gseht.

Literatur[ändere | Quälltäxt bearbeite]

  • André Sigel: 200 Jahre Triangulationspunkt Rötifluh. In: Geomatik Schweiz. Geoinformation und Landmanagement, 101, 2003, S. 62–65.
  • Walter Moser: Die Röti und ihr trigonometrisches Signal. Geschichtlich, naturkundlich, topographisch, mathematisch: Eine Synthese. In: Jahrbuch für solothurnische Geschichte, 59, 1986, S. 185–243.

Weblink[ändere | Quälltäxt bearbeite]

 Commons: Röti – Sammlig vo Multimediadateie

Fuessnoote[ändere | Quälltäxt bearbeite]

  1. En andery Theory für e Grund vom Fluername Röti seit, er chönt vo dr hällbruune Farb vom Bode uf em Bärg cho.