Pritzker-Bryys
Dr Pritzker-Bryys (ängl. Pritzker Architecture Prize) isch dr wältwyt renomiertscht Bryys im Beryych vu dr Architektur. Är isch anne 1979 vum US-Amerikaner Jay A. Pritzker (Bsitzer u. a. vu dr Hyatt-Hotelchette) un däm syre Frau Cindy gstiftet wore un wird syt ihrem Dod vu dr Hyatt-Stiftig organisiert. D Uuszaichnig, wu alljohr vergee wird, isch mit 100.000 Dollar dotiert un gnießt in Fachchrais e ähnligi Wärtschetzig wie d Nobelbryys in dr Natur- un Gaischteswisseschafte.
Dr erscht un bishär ainzig Eschtrycher, wu dr Bryys iberchuu het, isch dr Hans Hollein (1985) gsi. Dytschi Bryysdreeger sin Gottfried Böhm (1986) un postum dr Frei Otto (2015). Us dr Schwyz zelle dr Jacques Herzog un dr Pierre de Meuron (2001) un dr Peter Zumthor (2009) zue dr Bryysdreeger. Anne 2004 isch zem erschte Mol e Frau gwirdigt wore, wu d Briti Zaha Hadid, wu us em Irak stammt, dr Bryys „fir ihre Läbeswärch“ iberchuu het. 2005 isch dr Bryys no 14 Johr zem erschte Mol wider an en US-Amerikaner gange, dr kalifornisch Architekt Thom Mayne.
D Architektur-Kuratori vum Art Institute of Chicago Martha Thorne isch am 19. Augschte 2005 as neji Direktori vum Pritzker Bryys Architektur-Komitee beruefe.
Bryysdreeger[ändere | Quälltäxt bearbeite]
- 1979 Philip Johnson (USA)
- 1980 Luis Barragán (Mexiko)
- 1981 James Stirling (Großbritannie)
- 1982 Kevin Roche (USA)
- 1983 Ieoh Ming Pei (USA)
- 1984 Richard Meier (USA)
- 1985 Hans Hollein (Eschtrych)
- 1986 Gottfried Böhm (Dytschland)
- 1987 Kenzō Tange (Japan)
- 1988 Gordon Bunshaft (USA) un Oscar Niemeyer (Brasilie)
- 1989 Frank Gehry (Kanada)
- 1990 Aldo Rossi (Italie)
- 1991 Robert Venturi (USA)
- 1992 Álvaro Siza (Portugal)
- 1993 Fumihiko Maki (Japan)
- 1994 Christian de Portzamparc (Frankrych)
- 1995 Tadao Ando (Japan)
- 1996 Rafael Moneo (Spanie)
- 1997 Sverre Fehn (Norwege)
- 1998 Renzo Piano (Italie)
- 1999 Norman Foster (Großbritannie)
- 2000 Rem Koolhaas (Niiderlande)
- 2001 Jacques Herzog un Pierre de Meuron (Schwyz)
- 2002 Glenn Murcutt (Auschtralie)
- 2003 Jørn Utzon (Dänemark)
- 2004 Zaha Hadid (Großbritannie/Irak)
- 2005 Thom Mayne (USA)
- 2006 Paulo Mendes da Rocha (Brasilie)
- 2007 Richard Rogers (Großbritannie)
- 2008 Jean Nouvel (Frankrych)
- 2009 Peter Zumthor (Schwyz)
- 2010 Kazuyo Sejima un Ryūe Nishizawa – SANAA (Japan)
- 2011 Eduardo Souto de Moura (Portugal)
- 2012: Wang Shu (China)
- 2013: Toyo Ito (Japan)
- 2014: Shigeru Ban (Japan)
- 2015: Frei Otto (Dytschland, postum)
- 2016: Alejandro Aravena (Chile)
- 2017: RCR Arquitectes (Spanie)
- 2018: Balkrishna Doshi (Indie)
- 2019: Arata Isozaki (Japan)
- 2020: Yvonne Farrell un Shelley McNamara (Irland)
- 2021: Anne Lacaton un Jean-Philippe Vassal (Frankrych)
Weblink[ändere | Quälltäxt bearbeite]
Commons: Pritzker-Bryysdreeger – Sammlig vo Multimediadateie- Websyte vum Bryys (änglisch)
|
Dä Artikel basiert uff ere fräie Übersetzig vum Artikel „Pritzker-Preis“ vu de dütsche Wikipedia. E Liste vu de Autore un Versione isch do z finde. |