PostFinance Top Scorer
Als PostFinance Top Scorer wird am Saisonendi der Ischhockeyspieler üsgezeichnut, wa iner Schwizer National League und Swiss League wärund der Heuptrundi d meischtu Scorerpunkta, also Tor und Assists, fer schini Mannschaft erzilt het. Der aktuell Topscorer vonra Mannschaft treit bi alle Meischterschaftspil en gälbe Flammuhelm und äbuso es Flammutrikot. Der Topscorer vo der gesamt Liga wird nach de Qualifikationsspil zum PostFinance Top Scorer vo der NL oder SL gekürt.
Zwäck[ändere | Quälltäxt bearbeite]
Z «PostFinance Top Scorer»-Konzäpt isch iner Saison 2002/03 igfüehrt wordu. Mit dem will d PostFinance der Nachwuchs im Schwizer Ischhockey diräkt und nachhaltig fördru. Pro igspilte Punkt voma PostFinance Top Scorers berchunt d Nachwuchsabteilung vo jedum Club 200 Franken (NL) beziehigswis 100 Franken (SL).
Der glich Betrag berchunt d Swiss Ice Hockey Association vo der PostFinance fer ihri Nachwuchsmannschafte. D «PostFinance Top Scorer»-Prämien sind zwächgebundu und därfent üsschliesslich fer d Taläntfördrig und Üsbildig im Nachwuchsbereich verwendut wärdu. Durch z «Top Scorer»-Engagement vo der PostFinance wird der Schwizer Ischhockey Nachwuchs sit 2002 mit rund 3,5 MillioneFranku unterstüzt.
Titelträger[ändere | Quälltäxt bearbeite]
| Saison | Namu | Verei | Punkta | Betrag (in CHF) |
|---|---|---|---|---|
| 2018/19 | Dominik Kubalik | HC Ambri-Piotta | 57 | 17'100 |
| 2017/18 | Dustin Jeffrey | HC Lausanne | 57 | 17'100 |
| 2016/17 | Mark Arcobello | SC Bern | 55 | 11'000 |
| 2015/16 | Pierre-Marc Bouchard | EV Zug | 67 | 13'400 |
| 2014/15 | Fredrik Pettersson | HC Lugano | 69 | 13'800 |
| 2013/14 | Matthew Lombardi | Genève-Servette HC | 50 | 10'000 |
| 2012/13 | Linus Omark | EV Zug | 69 | 13'800 |
| 2011/12 | Damien Brunner | EV Zug | 60 | 12'000 |
| 2010/11 | Glen Metropolit | EV Zug | 53 | 10'600 |
| 2009/10 | Randy Robitaille | HC Lugano | 65 | 13'000 |
| 2008/09 | Juraj Kolník | Genève-Servette HC | 72 | 14'400 |
| 2007/08 | Erik Westrum | HC Ambrì-Piotta | 72 | 14'400 |
| 2006/07 | Simon Gamache | SC Bern | 66 | 13'200 |
| 2005/06 | Glen Metropolit | HC Lugano | 66 | 13'200 |
| 2004/05 | Randy Robitaille | ZSC Lions | 67 | 13'400 |
| 2003/04 | Ville Peltonen | HC Lugano | 72 | 14'400 |
| 2002/03 | Petteri Nummelin | HC Lugano | 57 | 11'400 |