Portal:Schwiiz/Artikel des Monats/06
S Rätoromanisch (au Bündnerromanisch oder eifach Romanisch; rm. rumantsch, oder rumauntsch) isch e romanischi Sprooch wo im Kanton Graubünde, em sognannte „Romanischbünde“ (rm. il Grischun romontsch), gschwätzt wird. Es isch syt 1938 di vierti offizieli Nationalsprooch vo de Schwiiz. In de Schwiizer Volchzäälig vo 2000 isch es für 35'095 Mensche die Sprooch gsi „wo si am beschte hen chönne“. Insgsamt hen öbe 60'000 Lüt aagee dass si in de Familie oder im Alldaag Romanisch schwätze. Es isch demit mit öbe 0,5% die Amtssprooch vo de Schwiiz wo em wenigschte Sprecher het. läse...