Piz Bernina

Us der alemannische Wikipedia, der freie Dialäkt-Enzyklopedy
Piz Bernina
Piz Bernina von der Diavolezza aus, ganz rechts der Biancograt
Piz Bernina von der Diavolezza aus, ganz rechts der Biancograt

Piz Bernina von der Diavolezza aus, ganz rechts der Biancograt

Hechi 4'048,6 m ü. M.
Lag Graubünde, Schwiz
Gebirg Berninagruppe
Dominanz 138 km → Finsteraarhorn
Schartehechi 2'234 m ↓ Malojapass
Geografischi Lag 789947 / 139751Koordinate: 46° 22′ 56″ N, 9° 54′ 29″ O; CH1903: 789947 / 139751
Piz Bernina (Schweiz)
Piz Bernina (Schweiz)
Piz Bernina
Piz Bernina
Erschtbstygig 13. Septämber 1850 dur e Johann Wilhelm Coaz, Jon und Lorenz Ragut Tscharner
Normalweg Spallagrat vo Rifugio Marco e Rosa (II)

fpd3pd5

Dr Piz Bernina isch dr äinzig Vierduusiger in de Oschtalpe und dr höggst Bärg im Kanton Graubünde.

Zu der Gschicht vom Name Bernina git’s verschideni Erklärige; er chönt vom ene Personename cho, oder vilecht au vom ene vorrömische Gwässername; lueg do derzue im Artikel BERNINA im Dicziunari Rumantsch Grischun online.

D Landescharte vo dr Schwiz, Usgoob 2001, git si Hööchi mit 4'048,6 m ü. M. aa. Dr Piz Bernina ghört wie sini Noochbere, dr Piz Palü, dr Piz Roseg und d Bellavista, zur Berninagruppe oder äifach dr Bernina. D Gränze zwüsche Italie und dr Schwiiz goot über e Bärgstock.

Dr Bärg bestoot us drei Gipfel; dr middleri isch dr höggsti. E chli niidriger und ganz nooch am Hauptgipfel isch dr Südgipfel Spalla (La Spedla, 4'020 m).

Dr Piz Pernina, er het denn no kä Naame gha, isch am 13. Septämber 1850 dur e Vermässer Johann Wilhelm Coaz (1822–1918) us S-chanf im Dienst vom Dufour für di topogafischi Uufnam vo dr Schwiiz zum erste Mol bestiige und vermässe worde.[1]

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Piz Bernina – Sammlig vo Multimediadateie

Fuessnoote[ändere | Quälltäxt bearbeite]

  1. Pioniere des Alpinismus in der Schweiz Archivlink (Memento vom 30. Oktober 2008 im Internet Archive)
Dä Artikel basiert uff ere fräie Übersetzig vum Artikel „Piz_Bernina“ vu de dütsche Wikipedia. E Liste vu de Autore un Versione isch do z finde.