Dr Pisoni-Brunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5586567.5884Koordinaten: 47° 33′ 31″ N, 7° 35′ 18″ O; CH1903: 611273 / 267560

Dr Pisoni-Brunne
Dialäkt: Baseldütsch

Dr Pisoni-Brunne isch e Baasler Stadtbrunne uf em Münsterblatz. Dr Brunne stoot sit 1915 under Dänggmolschutz und zelt as e Baasler Kulturgüeter, wo für d Region vo Bedütig isch.

Usgsee[ändere | Quälltäxt bearbeite]

Dr Brunnedroog isch us Stäi und het grundeti Site. Linggs und rächts het s e niidrigs Sudeldröögli für d Hünd. Uf em viereggige Brunnestogg het s Rölief vo zwäi Uristier, wo d Brunneroor us de Müüler von ene chömme. D rundi Süüle uf em Stogg isch verziert und het oobedruff e Bluemechnopf.

Gschicht[ändere | Quälltäxt bearbeite]

Scho 1266 het s am Blatz e Brunne gee, wo woorschinlig us Holz gsi isch. 1315 het män en mit eme Brunne us Stäi ersetzt, wo uf em Stogg Figure, drunder dr Häilig Georg ghaa het. Wandale häi dä 1503 znacht emol eso kabutt gmacht, ass men en 1504 mit eme nöije, rächteggige Brunne, em Nöije Georgsbrunne, ersetzt het. Au uf däm het s e St. Georg gha, und das mol het er e Drach umbrocht. Das wäiss mä, wil dr Emanuel Büchel e Zäichnig vo dr Skulptur gmacht het. Fast drei Joorhundert spööter isch au dä Brunne im son e schlächte Zuestand gsi, ass dr Diräkter vom Bauamt Achilles Leissler 1784 em Paolo Antonio Pisoni (1738-1804) dr Ufdraag gee het e nöije z baue. Dä het mä aber erst im Joor druf chönne in Bedriib nee, wil s an Brunnerööre gfeelt het.

1937 het mä dr ganz Brunne dur e Kopii ersetzt, nume d Sudeldröögli uf de Site het mä seer vil niidriger gmacht.

Kwelle[ändere | Quälltäxt bearbeite]