Pieter Claesz

Dr Pieter Claesz (* 1596/1597 z Berchem bi Antwärpe in de schbanische Niiderland; † vor em 1. Januar 1661 z Haarlem, Holland) isch e niiderländische Mooler vo Stilllääbe im Barock gsi und mä zelt en zu de bedütendste Verdräter vo däm Schãr.

Lääbe und Wärk

Dr Pieter Claesz isch öbbe 1596/1597 z Berchem bi Antwärpe uf d Wält choo. S Datum vo siner erste Hüroot isch umbekannt; si Frau het vermuetlig Hillegont ghäisse.

Er het si Learzit woorschiinlig z Antwärpe gmacht. Sini früeje Wärk häi vor allem zu dr Clara Peeters und zum Osias Beert stilistischi Äänligkäite. Mä vermuetet aber, er häig au d Haarlemer Stilllääbemooler Nicolaes Gillis, Floris van Dyck und Floris van Schooten kennt. Im Joor 1634 isch dr Pieter Claesz as Mitgliid vo dr Haarlemer St.Lukas-Gilde beläit, wo d Mooler din zämmegschlosse gsi is. Sini Bildkonstrukzioonen si nöiartig gsi und häi us em äine vo de innovativste Stilllääbemooler gmacht, so dass en 1628 au dr Samuel Ampzing in sim Rüemgedicht uf d Stadt Haarlem erwäänt het.

Ärnsthafte Konkurränz het dr Pieter Claesz z Haarlem erst vo 1628 aa überchoo, wo dr Willem Claesz. Heda, wo sich stark an iim orientiert het, alli sini Nöierige noochgmacht het. In sine früeje Wärk het dr Claesz no mit ere monochrome Balette in Grau-, Bruun- und Grüendöön gschafft, sini spoote Brunkstilllääbe si dütlig farbiger.

E baar vo sine Wärk

• 
  Stilllääbe (1623)
• 
  Stilllääbe, Vanitas (1630); Mauritshuis
• 
  Stilllääbe (1633)
• 
  Stilllääbe mit Römer und Silberschaale (1635)
  Berliner Gmäldegalerii
• 
  Stilllääbe (1645); 1987 z Nöi York versteigeret

Liddratuur

• Pieter Claesz - Stilleben. Usstelligskatalog vom Kunsthuus Züri 2005. ISBN 3-7630-2450-6.
• Martina Brunner-Bulst: Pieter Claesz - der Hauptmeister des Haarlemer Stillebens im 17. Jahrhundert: kritischer Oevrekatalog. Lingen: Luca, 2004. ISBN 3-923641-22-2.
• Allgemeines Künstlerlexikon Bd. 19, 1998, S. 353.

Weblingg

•  Commons: Pieter Claesz. – Sammlig vo Multimediadateie
• Wärk vom Pieter Claesz

Aamerkige

Dä Artikel basiert uff ere fräie Übersetzig vu dere Version vum Artikel „Pieter_Claesz“ vu de dütsche Wikipedia. E Liste vu de Autore un Versione isch do z finde.