Pfyfferhuus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Pfyfferhuus im Frühjohr 2012

S Pfyfferhuus isch es Huus z Wettige gsi, wo am Aafang vom 20. Johrhundert bauet worde-n-isch. Es isch in de Nöchi vom Bahnhof gstande und noch em Bau isch di erschti Poscht vo Wettige dinne gsi. Im 1934 het de Ivo Pfyffer s Huus übernoh und zu ere Apiteek umbauet. Sither het s Huus de Name Pfyfferhuus gha. S Huus het im Kurzinventar vo de Kulturgüter vo de Gmeind Wettige gstande, isch aber im Sommer 2013 abgrisse worde.

Gebäud[ändere | Quälltäxt bearbeite]

S Gländer vom Balkon mit de Poschthörner

S Gebäude isch im Stil vo eme änglische Landhuus baued gsi. Bis zum Abriss het me no chönne erkänne, dass es es ehemoligs Poschtgebäude gsi isch, will sich am Gländer vom Balkon im erschte Stock Poschthörner befunde hei. D Villa het sich dur d Dacherker, s Iisegländer im Jugedstil und d Dekoration uszeichnet.

S Huus isch vo de Firma KMP Architektur AG kauft und abgrisse worde. Im Spotjohr 2014 hei d Arbeite an eme noie Bürogebäud aagfange.

Weblink[ändere | Quälltäxt bearbeite]

 Commons: Pfyfferhuus – Sammlig vo Multimediadateie

Quelle[ändere | Quälltäxt bearbeite]

  • Abschied vom Pfyfferhuus im de Chloschtemer, Usgab 46/2012