Peter zum Luft
| Dialäkt: Baseldütsch |
Dr Peter zum Luft (* vor 1423 z Baasel; † Ändi Novämber 1474 z Baasel) isch e Baasler Gäistlige und Mitgründer und Räkter vo dr Baasler Uniwersidäät gsi.
Lääbe und Karriere[ändere | Quälltäxt bearbeite]
Dr Peter zum Luft isch iam Aafang vom 15. Joorhundert as Soon vom Rudolf und dr Clara zum Luft uf d Wält choo. 1423 het er z Häidelbärg studiert. 1430-31 und 1439-53 isch er Dekan vom Stift St. Peter z Baasel gsi. Um 1439 het er an dr Baasler Konzilsuniwersidäät Underricht gee. 1459 isch er äine vo de Gründer vo dr Uniwersidäät Baasel gsi, 1461 und 1467 isch er Räkter gsi. Vo 1441 bis 1459 het er as Generalvikar fungiert, 1446 und 1456 as Stellverdräter vom Offizial (Vorsteher vom kiirchlige Gricht). Er het meereri Pfarr- und kanonischi Pfründ gha (Saint-Ursanne, vo 1453 aa Baasler Doomher).
Mit em Abstiig vo de Münch isch d Kollatur vo dr Arbogastchille z Muttez in dr 2. Helfti vom 15. Joorhundert an dr Peter zum Luft gange, wo möögligerwiis s Bäihuus het lo baue.
Familie[ändere | Quälltäxt bearbeite]
Dr ooberst Rootchnächt Ulrich zum Luft isch si Brueder gsi und dr Arnold zum Luft si Nöwöö, wo au si bedütendi Büechersammlig gerbt het.