Peter Tauber

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Peter Tauber (2014)
Video-Vorstellig (2014)

Dr Peter Michael Tauber (* 22. Augschte 1974 z Frankfurt am Main) isch e dytsche Bolitiker (CDU). Är isch syt 2008 Bundesdagsabgordnete un vum 16. Dezämber 2013 bis zum 26. Februar 2018 Generalsekretär vu dr CDU gsii.

Uusbildig un Beruef[ändere | Quälltäxt bearbeite]

Noch em Abitur 1994 am Grimmelshausen-Gymnasium z Gelnhausen het ab em Wintersemeschter 1994/1995 Mittleri un Neieri Gschicht, Germanischtik un Bolitikwisseschaft an dr Johann Wolfgang Goethe-Universität Frankfurt am Main studiert. Fir dr Wehrdienscht het er s Studium zytwys unterboche. Anne 2000 het er mit em akademische Grad Magister Artium abgschlosse.

Vu 2000 bis 2001 isch dr Tauber wisseschaftlige Mitarbaiter im Sonderforschigsberych/FK 435 „Wissenskultur und gesellschaftlicher Wandel“ vu dr Johann Wolfgang Goethe-Universitet Frankfurt am Main gsii. Vu 2001 bis 2003 isch er Landesgschäftsfierer vu dr Jungen Union Hessen un vu 2003 bis 2004 persenlige Referänt vu dr hessische Kultusminischteri un stellverdrättende Minischterbresidänti Karin Wolff gsii. Vu 2004 bis 2007 isch er Doktorand bim Lothar Gall am Historische Seminar vu dr Universitet Frankfurt am Main gsii, finanziert dur e Stipendium vu dr Hanns-Seidel-Stifti. Anne 2007 isch er promoviert wore mit ere Dissertation iber di gsellschaftli Stellig un ideologisch Funktionalisierig vum Sport im Dytsche Chaiserrych. Bis zue dr Bundesdagswahl isch er Prässesprächer vu dr Deutsche Vermögensberatung AG z Frankfurt am Main gsii. Syt Merz 2008 het er e Lehrufdrag am Historische Seminar vu dr Universitet Frankfurt am Main.

Bolitischi Ämter[ändere | Quälltäxt bearbeite]

Dr Tauber isch anne 1991 Mitglid vu dr Jungen Union wore un 1992 au vu dr CDU. Vu 1993 bis 2007 isch er Stadtverordnete z Wächtersbach gsii. Syt Novämber 2005 isch er Abgordnete vum Kraisdag vum Main-Kinzig-Krais. Anne 2007 isch er zum Bysitzer im Bezirksvorstand vu dr Mittelstandsverainigig Oschthessen un im Dezämber 2007 zum Vorsitzer vu dr CDU Gelnhausen gwehlt wore. Im Mai 2003 isch er zum Landesvorsitzer vu dr Jungen Union Hessen gwehlt wore. Derzue isch dr Tauber syter anne 2008 au gwehlt Mitglid vum Landesvorstand vu dr CDU Hesse. 2008 isch dr Tauber zum erschte Mol vu dr CDU fir d Kandidatur im Bundeswahlkrais 180 (Hanau) nominiert wore. Bi dr Bundesdagswahl 2009 het er 39,4 Brozänt vu dr Stimmen iberchuu un het si dodermit chenne gege dr Sascha Raabe vu dr SPD duresetze (34,0 Brozänt). Bi dr Bundesdagswahl 2013 het er s Mandat im nei gschaffene Wahlkrais 175 (Main-Kinzig – Wetterau II – Schotten) mit 48,8 Brozänt vu dr Stimme gwunne. Im Dezämber 2013 isch er vu dr Barteivorsitzeri Angela Merkel vorlaifig zum Generalsekretär bstellt un am 5. April 2014 derno vum Bundesbarteidag gwehlt wore.[1]

Dr Peter Tauber isch ordeli Mitglid im Bundesdagsuusschuss fir Familie, Seniore, Frauen un Juged un stellverdrättend Mitglid im Uusschuss „Digitale Agenda“. In dr 17. Wahlperiod vum Dytsche Bundesdag isch er Mitglid in dr Enquête-Kommission „Internet und digitale Gesellschaft“ gsii.

Ändi Dezämber 2017 het er im e Interview gsait, ass er e Darmchranket heb.[2] Är isch iber e Monet im Chrankehuus gsii un het e Notoperation iberstande.[3] Am 18. Februar 2018 isch bekannt wore, ass dr Tauber s Amt vum CDU-Generalsekretär us gsundhaitlige Grind wett niderlege.[4][5] Am 26. Februar 2018 isch d Annegret Kramp-Karrenbauer zue syre Noofolgeri gwehlt wore.[6]

Syt em 13. Dezember 2013 isch er Mitglid im Vorstand vum Dytsche Chinderhilfswärch.

Privats[ändere | Quälltäxt bearbeite]

Dr Tauber isch ledig un evangelisch. Är isch Reserveoffizier (letschte Dienschtgrad: Oberleutnant vu dr Reserve).

Schrifte[ändere | Quälltäxt bearbeite]

  • Die Grimmelshausenschule. Die Geschichte des heutigen Grimmelshausen-Gymnasiums Gelnhausen von seiner Gründung als Realschule 1909 bis heute. Im Selbstverlag, Wächtersbach 1997
  • Wie es damals war. Ansichten von Aufenau, Hesseldorf, Leisenwald, Neudorf, Waldensberg, Weilers, Wächtersbach und Wittgenborn. Verlag der Buchhandlung Dichtung und Wahrheit, Wächtersbach 2000, ISBN 3-9805957-2-2
  • „Die Zeit hat Siebenmeilenstiefel angezogen.“ Wächtersbach zwischen traditioneller Lebenswelt und Moderne. Verlag der Buchhandlung Dichtung und Wahrheit, Wächtersbach 2001, ISBN 3-9805957-4-9
  • 100 Jahre Radfahrer-Verein 02 Wächtersbach: „...treu unserm Sport!“ Die Chronik des Radfahrer-Vereins 1902 Wächtersbach e. V. Verlag der Buchhandlung Dichtung und Wahrheit, Wächtersbach 2002, ISBN 3-9805957-3-0
  • als Herausgeber: Läusejagd und Rohrkrepierer. Willi Löwer, an den Fronten des Zweiten Weltkrieges. Books on Demand GmbH, Norderstedt 2005, ISBN 3-8334-4037-6
  • Vom Schützengraben auf den grünen Rasen. Der Erste Weltkrieg und die Entwicklung des Sports in Deutschland (= Studien zur Geschichte des Sports, Band 3). LIT, Münster 2008, ISBN 978-3-8258-0675-0 Zugl.: Frankfurt (Main), Univ., Diss., 2007.

Weblink[ändere | Quälltäxt bearbeite]

 Commons: Peter Tauber – Sammlig vo Multimediadateie

Fueßnote[ändere | Quälltäxt bearbeite]

  1. Tauber ist neuer CDU-Generalsekretär. In: FAZ.net, 5. April 2014, abgruefen am 5. April 2014.
  2. Hanns Szczepanek: „Komme um OP nicht herum“: CDU-Generalsekretär Tauber noch wochenlang krank. In: Fuldaer Zeitung. 21. Dezember 2017, abgerufen am 31. Dezember 2017.
  3. FAZ.net 18. Februar 2018: Am Ende fehlte ihm die Autorität
  4. CDU: Peter Tauber gibt Posten als Generalsekretär ab. ZEIT ONLINE, 18. Februar 2018, abgerufen am 18. Februar 2018.
  5. CDU-Generallsekretär: Tauber will sich zurückziehen. tagesschau.de, 18. Februar 2018, abgerufen am 18. Februar 2018.
  6. Kramp-Karrenbauer soll Generalsekretärin werden. tagesschau.de, 19. Februar 2018, abgerufen am 19. Februar 2018.
Information icon.svg Dä Artikel basiert uff ere fräie Übersetzig vu dere Version vum Artikel „Peter_Tauber“ vu de dütsche Wikipedia.

E Liste vu de Autore un Versione isch do z finde.