Perpetuum mobile

Us der alemannische Wikipedia, der freie Dialäkt-Enzyklopedy
S'Perpetuum Mobile vum Villard de Honnecourt

S Perpetuum Mobile (lat: s "ununterbroche Beweglich") isch e Konstruktion, wo einisch agla, ewig in Bewegig bliibe söll, u under Umstände Arbeit verrichte söü. Ufgrund vo fundamentale Kentniss ir Physik weiss ma inzwischä, das es Perpetuum Mobile unmöglich isch zum mache. Theorie, wo behoupte, es wär müglich, gälte als pseudowisseschaftlich. Ir moderne Physik gits ou ander Bezeichnige, z. B. Konverter für Freie Energie.)

Äs Perpetuum Mobile (PM) bezieht sech uf nes gschlossnigs System, wo nach em Energiierhaltungssatz kei Energii drin entschtah oder verschwinde cha. Das bedütet, das e Maschine, wo schinbar selber louft, wöu si Energii produziert, kes Perpetuum Mobile wer. Ufgrund vu dr Energiierhaltung wers keis gschlossnigs System.

Perpetua Mobilia werde nach em Thermodynamischen Hauptsatz bezeichnet, wo si verletze. Usnahm: PM 3.Art. Die Klassifikation git allerdings kei Hinwis zum beabsichtigte Funktionsprinzip.


Perpetuum Mobile erster Art[ändere | Quälltäxt bearbeite]

Idee: e Maschine mit Wirkigsgrad vo 100% oder grösser würdi die benötigt Energii selber lifere. Ä solchi Maschine würd de erschti Hauptsatz vo dr Thermodynamik verletze, dr Energiierhaltungssatz, well jedi Maschine ufgrund vo Ribigs-u Wärmeverluscht e Wirkigsgrad vo < 100% besitzt.

Biispil

  • Äs Wasserrad pumpt Wasser nach obe. Das fliesst wieder gäg abe und tribt ds Rad a.
  • Ä Akkumulator bringt e Lampe zum Lüchte. Ds Licht wird wider mit eme Fotoelement igfange und erzügt elektrische Strom, wo dr Akkumulator wider ufladt.

Bereits de eifach Kreislouf isch unmüglich, wöüs bi jeder Bewegig oder Umwandlig Verluscht git. Verluscht füehre letztendlich zure Temperaturerhöhig vo dem Teil. Da d Umgebig immer chüeler isch als verluschterzügende Teil, fliesst d Energii vo dr Maschine durch Wärmeleitig, Konvektion oder Strahlig ad Umgebig ab. Die Maschine muess über churz oder lang stahblibe, well e Rückfüehrig ufgrund vo dr Temperaturdifferenz nit stattfindet. (Wärmi fliesst nur vo warm nach chalt, nie umkehrt.)

Perpetuum Mobile zweiter Art[ändere | Quälltäxt bearbeite]

Idee: Arbet us dr Umgebigswärmi z gwünne, also d Wärmi, wu über e Abchaltig gwonne worde isch, vollständig in mechanische Energii umzwandle. Ä sölchi Maschine verletzt dr Zweite Hauptsatz vo dr Thermodynamik, well die vollschtändig Umwandlig vo Arbeit in Wermi irreversibel isch, nit aber dr Energiierhaltungssatz.

Prinzipiell cha me es Perpetuum Mobile zwöiter Art dara erkenne, das es versucht, Wermi am ne Punkt ufzneh und in ander Energiiforme versuecht umzwandle. Das ellei muess nit gege d Energiierhaltung (erschter Hauptsatz) verstosse, es wäre also Maschine denkbar, wo unger dr Beachtig vor Energiierhaltung Wermi in höherwertigi Energieforme umwandle (z. B. Strom).