Peloponnesich Bund

Us der alemannische Wikipedia, der freie Dialäkt-Enzyklopedy

Dr Peloponnesisch Bund isch ä militärischi Koalition vo griechische Schdaate im 6. Johrhundert vor dr Ziitwändi gsi. Er isch vo Sparta gründet und agfüehrt worde. Dr Bund het über siini Politik an Versammlige vo de Bündnispartner, wo vo de Spartaner iiberuefe worde si, entschiide. Jede Bündnisschdaat het ei Schdimm gha. Im Bund si faschd alli Schdaate uf em Peloponnes verdräte gsi, usser Argos im Oschde und Achaia im Norde. Die wichdigschde si Sparta, Korinth und Elis gsi und im Peloponnesische Chrieg het au Thebe mitgmacht.

S Mächteverheltnis währed em Peloponnesische Chrieg. Dr attisch Seebund in rot, dr Peloponnesisch Bund in blau.

Dr Peloponnesisch Bund het ä groossi Iifluss gha uf die griechisch Innebolitik, aber au uf d Verdeidigungsbolitik vo ganz Griecheland, wenn s Land von erä Invasion vo Uusländer bedroht gsi isch. In de Johr 480 und 479, wo d Perser in Griecheland iigfalle si, si s vor allem Sparta und siini Verbündete gsi, wo d Landagriff abgwehrt hai. Innebolitisch het dr Peloponnesisch Bund noch emä lange Chrieg (431-202) Athen und dr Attischi Seebund besigt. Aber schon ä baar Johrzähnt schbööter, im Johr 371 vor dr Ziitewändi, het Sparta bi Leuktra ä Schlacht gege d Thebaner verlore und mit dr Niiderlaag ä groosse Deil vo siim Iifluss. Dr Bund isch 366-65 vor dr Ziitewändi ufglöst worde.

Quelle[ändere | Quälltäxt bearbeite]

  • Dr Artikel "Peloponnesian League" in Encyclopædia Britannica. Ultimate Reference Suite. Chicago: Encyclopædia Britannica, 2008.