Paul Adolf

Us der alemannische Wikipedia, der freie Dialäkt-Enzyklopedy
Dr Paul Adolf mit sinem Verglichswerterbuech

Dr Paul Adolf isch 1931 z Stroßburg uf d Wält kumme. Är isch in sinem Beruefsläbe Studiärat mit Fach Änglisch gsii, dr het aü d Volkshochschuel vu Owernah un Umgäbung grindet un gleitet.

Dä Linguischt, wu aü Elsässisch unterrichtet het, het d Sprochverwandschafte vum Änglische mit em Elsässische, Ditsche un Franzesische erforscht un het diä Verwandschafte gnutzt, zum in sinem Unterricht „Sprochbrucke“ härstelle.

Dr Paul Adolf het verschiidini wisseschaftligi Publikatione zu däm Thema rüsbrocht, so sini Dokterarbete 1975 un 1985 un:

  • Dictionnaire „l'anglais par l'lasacien“ (Werterbuech „Änglisch mit Hilf vu Elsässisch“) de Paul Adolf en collaboration avec Raymond Matzen, 1977 Université Populaire d'Obernai et Le Verger Editeur
  • Mer lehre Ënglisch 2002 - Guide pratique de conversation et de grammaire anglaise pour Alsciens de Paul Adolf, Editions Bentzinger, Colmar.
    Des isch e Änglisch-Lehrbuech mit 780 Sitte, wu d Erklärunge uf Franzesisch sin, aber mit Bispiil uf Elsässisch.
  • Paul Adolf: dictionnaire comparatif multilingue - français, allemand, alsacien, anglais. Strasbourg 2006 [Des isch e mehrsprochigs Verglichswerterbuech, wu dr germanisch un romanisch Wortschatz im Änglische vum Elsässische, Standardditsche un vum Franzesische här erschlosse wurd. Dr Autor git do aü verschiidni Variante vu dr elsässische Dialäktwerter a, also, üs wellere alemannische oder sidfränkische Gegend im Elsass si sin. Üsserdäm zeigt er mit gleine Sätz un Redewändunge, wiä s Wort im Elsässische un Änglische brücht wird. Mir eme franzesische, me ditsche, me elsässische un eme änglische Index ka des Werterbuech, wu 373 Sitte het, erschlosse wäre. Sogar Sprächer vum Alemannische un vum Standardditsche, wu kei Franzesisch kenne, kenne do viil rüshole.]
  • Dr Paul Adolf het in dr Land un Sproch, in dr Heimet un im andere Zitschrifte zum Thema publiziärt.

Dr Paul Adolf isch e Inteläktuälle, wu elsässisch-alemannisch antwortet un nit ins Franzesisch oder Standardditsch verfallt, wämmer-e alemannisch aschwätzt. Er verdrittet d Meinung, ass e Mänsch hit-ze-dag mehrsprochig sii mueß un will do drbii behilflig sii. Zu dr Sproche, wus Wärt sin, ass mer si lehrt, zellt dr Adolf aü s Alemannisch un s Fränkisch im Elsass.

Üszeichnung[ändere | Quälltäxt bearbeite]

Am 6. Oktober 2007 het dr Paul Adolf z Zabere d Brezel d'Or (d Goldig Brätschele) fir sini lexikografische Arbete bikumme – des isch e Briis vum Institut des Arts et Traditions Populaires d Alsace (Inschtitüt vu dr Volkskunscht- un Dradition vum Elsass).