Die amerikanische Patriote

Us der alemannische Wikipedia, der freie Dialäkt-Enzyklopedy
Thomas Jefferson, eine vo de Vordänker vo de Patriote

D Patriote, au bekannt as Whigs, Congress-Men oder us britischer Sicht Rebelle, isch dr Name gsi wo sich d Siidler vo de britische Drizäh Kolonie in Nordamerika ge hai, wo si sich währed dr Amerikanische Revolution gege d Chrone erhobe hai. Ihri Aafüehrer hai die amerikanischi Unabhängigkeit deklariert und eso die Vereinigte Staate vo Amerika gründet. D Patriote si vom John Locke und dr amerikanische Ufklärig, und vo dr politische Philosophii vom amerikanische Republikanismus beiiflusst worde, wo vom Thomas Jefferson, vom Alexander Hamilton und vom Thomas Paine formuliert worden isch.

As Grubbe hai d Patriote e wiits Spektrum vo politische Aasichte und gsellschaftlige Positione umfasst, vo konservative Föderaliste wie dr Alexander Hamilton über aristokratischi Plantagebsitzer wie dr Thomas Jefferson bis zu Sozialrevolutionär und Farmer us dr Underschicht wie dr Daniel Shays und dr Joseph Plumb Martin. Ihri Gegner under ihre Mitkoloniste si d Loyaliste gsi, wo dr britische Chrone dreu bliibe si. Vili Patriote si scho vor em Usbruch vom amerikanische Unabhängigkeitschriegs aktiv gsi, wie zum Bispil d Söhn vo dr Freiheit (Sons of Liberty). Die prominänteste Aafüehrer vo de Patriote wärde bis hüt vo de Amerikaner as d Gründerväter vo de Vereinigte Staate verehrt.

Dä Artikel basiert uff ere fräie Übersetzig vu dere Version vum Artikel „Patrioten_(Amerikanische_Unabhängigkeit)“ vu de dütsche Wikipedia. E Liste vu de Autore un Versione isch do z finde.