Park Heon-young
Dr Park Heon-young, au Pak Hon-yong, (* 1900 z Sinyang-myeon, Browinz Chungcheongnam-do, Korea; † 18. Dezämber 1955) isch e nordkoreanische Politiker gsi.
Lääbe
[ändere | Quälltäxt bearbeite]Dr Pak Hon-yong isch von ere Familie us dr koreanische Oberschicht im Süde vo Korea choo. 1919 isch er mit sinere Schuelusbildig z Keijō fertig gsi.
1921 het er aagfange sich politisch z bedäätige. Z Shanghai isch er Mitgliid vo dr Koreanische Kommunistische Partei worde. Im April 1922 häi en die japanische Kolonialbehörde in dr koreanische Browinz Chōsen as Kommunist verhaftet. 1924 isch er freichoo und het as Schurnalist bi de Zitige Dong-a Ilbo und Chōsen Nippō afo schaffe.
Am 18. April 1925 isch dr Pak bi dr Gründig vo dr Koreanische Kommunistische Partei z Chōsen drbiigsii. Vo denn aa het er im Untergrund müesse lääbe.
Noch em Chrieg im August 1945 isch dr Pak Parteisekretär worde. Im Dezämber 1946 het er d Gründig vo dr Südkoreanische Arbeiterpartei organisiert und isch dere iire Vorsitzend worde. Wie die mäiste südkoreanische Kommuniste isch au dr Pak in Norde gange und 1948 dört Usseminister und stellverträtende Brömieeminister vo dr nordkoreanische Demokratische Volksrepublik Korea worde, wo denn gründet worde isch.
Dr nordkoreanisch Staatsschef Kim Il-sung het sini politische Gegner in dr kommunistische Partei afo likwidiere und am 3. August 1953 isch dr Pak Hon-yong verhaftet worde. Zwäi Joor spööter, am 15. Dezämber 1955, isch er as amerikanische Spion zum Dood verurdäilt und drei Dääg druf hiigrichdet worde.[1]
Weblingg
[ändere | Quälltäxt bearbeite]
Commons: Pak Hon-yong – Sammlig vo Multimediadateie- David X. Noack: Das Wendejahr, in: junge Welt, 3. Dezember 2011.
- claim: Pak Hon-yong being reinstated in DPRK, in: hunjang.blogspot.com 12. Juli 2006.
- Formation of the Korean Workers' Party, globalsecurity.org.
- North Korean Purges, globalsecurity.org.
- Churzbiographii in dr Encyclopaedia Britannica (koreanisch)
|
Dä Artikel basiert uff ere fräie Übersetzig vum Artikel „Pak_Hon-yong“ vu de dütsche Wikipedia. E Liste vu de Autore un Versione isch do z finde. |