Babbegäije

Babbegäije
Hellroote Ara (Ara macao)
Systematik
Unterstamm: Wirbeldier (Vertebrata) Überklass: Chiifermüüler (Gnathostomata) Reije: Landwirbeldier (Tetrapoda) Chlass: Vöögel (Aves) Ordnig: Babbegäije
Wüsseschaftlige Name
Psittaciformes
Wagler, 1830

D Babbegäije entspräche in dr Süstematik vo de Vöögel dr Ornig vo de sittaciformes (Babbegäievöögel). D Süstematik vo de Babbegäije isch wäge nöije fülogenetische Undersuechige stark im Umbruch. Dradizionell underschäidet mä zwäi Familie, nämlig d Kakadu und die Äigentlige Babbegäije. D Kakadu häi e Huube us Fäädere, wo si chönne ufstelle. Es feelt ene aber die so genannti Dyck-Struktur vo de Fäädereest, wo sich s Liecht vo dr Sunne dra bricht. De Äigentlige Babbegäije feelt d Fääderehuube, au wenn e baar Arte Fäädere am Hals häi, wo si win e Chraage chönne ufstelle. Bi iine git s d Dyck-Struktur vo de Fäädereest.

Alli Babbegäije halte dr Körper ufrächt und alli häi e chreftige Schnaabel. Si ernääre sich vo Soome, Beeri, Frücht, Blüete und Chnospe und Wurzle. Vili Arte frässe au Insekte und deren iiri Larve. E baar Arte lääbe in groosse Schwärm. D Schwärm vom Nacktaugekakadu chönne mee as 70'000 Individue haa.

Babbegäije wärde sit langer Zit as Husdier ghalte. In e baar Gebiet uf dr Wält luegt mä sä as Schädling aa. Bsundrigs z Australie richde groossi Schwärm vo de Rosa-, Gäälhuube- und Nacktaugekakadu zum Däil bedütendi Schääde in dr Landwirtschaft aa. Si wärde dorum as landwirtschaftligi Schädling in gwüsse Regioone verfolgt.

Litratuur

Iifüerige

• Tony Juniper, T./Parr, Mike: Parrots, A guide to parrots of the World. Yale University Press 1998, ISBN 0-300-07453-0 (englisch)
• Werner Lantermann: Papageienkunde. Biologie, Verhalten, Haltung; Artenauswahl der Sittiche und Papageien. Parey, Berlin 1999, ISBN 3-8263-3174-5
• Joseph M. Forshaw: Australische Papageien (zwei Bände), Bretten 1. deutschsprachige Auflage (2003)

Vollständigi Artelexika

• Arndt, Thomas: Lexikon der Papageien Arndt-Verlag, Bretten. (Vierbändigs Lexikon über d Babbegäije uf dr Wält.)
  • CD-ROM: Arndt, Thomas: Lexikon der Papageien Arndt-Verlag, Bretten, IDN 980519543
• Franz Robiller: Papageien. 3 Bde. Hohenheim, Stuttgart. (Dreibändigs Lexikon über d Babbegäije uf dr Wält.)

Historischs

• Hans Strunden: Papageien einst und jetzt. Geschichtliche und kulturgeschichtliche Hintergründe der Papageienkunde. Sonderband us dr Enzyklopädie der Papageien und Sittiche Müller, Bornlitz 1984, ISBN 3-923269-22-6

Online-Noochschlaagwärk

• Suechindex für babbgäijespezifischi Litratuur, bsunders Arte (APN)
• Artebeschriibige Steckbrief und Abbildige vo alle Babbegäijearte und -underarte (uf Änglisch)

Weblingg

 Commons: Papageien – Sammlig vo Multimediadateie

• Arbeitsgemeinschaft Papageiennetzwerk: Allgemäini Informazioone, Haltig, Zucht, en umfangriiche Litratuurindex
• Fonds für bedrohte Papageien vo dr zoologischen Gesellschaft für Arten- und Populationsschutz
• Loro Parque: Arteriichsti Sammlig vo lääbige Babbegäije us dr ganze Wält
• World Parrot Trust: Britischi Babbegäijeschutzorganisazion, wo, wältwit agiert

Dä Artikel basiert uff ere fräie Übersetzig vum Artikel „Papageien“ vu de dütsche Wikipedia. E Liste vu de Autore un Versione isch do z finde.