Pantheon (London)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

S Londoner Pantheon isch en Ort für öffentligi Vergnüegige an dr Oxford Street z London gsi. Dr James Wyatt het s entworfe und es isch 1772 ufdoo worde. D Hauptrotunde isch äine vo de grösste Rüüm gsi, wo s z Ängland bis denn gee het. D Kupple het e bitz an s berüemte Pantheon z Rom erinneret, mä nimmt aber aa, ass es vo dr Hagia Sophia z Istambul inspiriert worde isch. Es het din meereri Rüüm und e groosse Festsaal gee. Spööter isch s für e Zitli lang zum e Theater umbaut worde. 1833 het mä e Basar drus gmacht und denn het s eme Wiihändler ghöört. 1937 isch s abgrisse worde und Marks and Spencer häi dört iiri "Oxford Street Pantheon" Filiale ufdoo.

Dä Artikel basiert uff ere fräie Übersetzig vum Artikel „Pantheon,_London“ vu de änglische Wikipedia.

E Liste vu de Autore un Versione isch do z finde.