Pantheon

Dä Artikel behandlet de Begriff Pantheon. Witeri Bedütige findt me doo.

S Pantheon (vom Griechische Πάνθειον - pantheion, pan-alli, theios-vo de Götter) isch urschbrünglig a Tämpel vo alle Götter gsi. Hützudags wird dr Begriff bruucht für Gebäud zur Erinnerig an wichdige Lüt, aber au für d Gsamtheit vo de Gottheite von erä Religion. So redet mä vom ägyptische, em germanische, em griechische odr em römische Pantheon. Mänggisch bruucht mes au im Bezug uf dr Hinduismus und dr Buddhismus wo Tämpel für alli Gottheite zsämme nid kenne.

Gebäud

Dr Iigang vom Pantheon z Rom

S Pantheon z Rom

S berüehmtischd Pantheon isch das z Rom, wo zur Ziit vom Kaiser Hadrian zwüsche de Johr 120 und 125 baut worden isch. Es isch ä zylindrischs Gebäud uus Bachschdei mit emä Durchmässer vo 43,4m und erä halbchugelförmige Kupple, wo in dr Middi es runs Loch het zur Belüüchdig. Es isch au 43,4m hoch. Vornedra het s ä Giibelvorhalle mit acht Süüle. Im Johr 609/10 isch s dr Jungfrau Maria und alle chrischdlige Märtyrer as Chille gweiht worde.

Lueg au Pantheon (Rom)

S Pantheon z Baris

S Pantheon z Baris isch noch Blän vom Soufflot vo 1764 bis 1790 baut worde. Es isch dr heilige Genoveva gweiht gsi. In dr Französische Revolution isch s 1791 ä Tämpel zu Ehre vo de groosse Franzose worde.

Lueg au Panthéon (Paris)

S Pantheon z London

S Londoner Pantheon isch im 18. und 19. Joorhundert e Geböid mit Festrüüm gsi.

Lueg au Pantheon (London)

S Pantheon Basel

S «Pantheon Basel» isch e runds Museum für Oldtaimer, wo im Augschte 2008 z Muttez (BL) eröffnet worde isch.

Lueg au Pantheon Basel

Weblink

 Commons: Pantheon – Sammlig vo Multimediadateie