Otto Reinacher

Dr Otto Reinacher (* 23. Mai 1901 z Broomech; † 19. Septämber 1979 ebe dert) isch e dytsche Fabrikant un Haimetdichter gsii.

Lääbe

Dr Reinacher isch z Broomech un z Hììninga im Elsass uf d Schuel gange un het derno Chaufmann glehrt. Anne 1936 het er si as Fabrikant sälbschtständig gmacht. In dr Zyt vum Nationalsozialismus isch er z Löörech Kraiskulturstellelaiter gsii.

Z Broomech, z Hauge un z Haage het er Volksbildigskirs iniziiert. Im Schwarzwaldverain het er si as Wanderfierer un Wanderlehrer engaschiert un isch as Hauptwägwart Mitglid im Bresidum gsii, au isch er langi Johr Vorsitzer vum Löörecher Ortsverain gsii un speter dert Ehrevorsitzer. Sy Suhn, Otto Reinacher junior, isch vu 1967 bis 1994 Vorsitzer vum Löörecher Schwarzwaldverain gsii, ab 1994 bis zue sym Dod 2003 Ehrevorsitzer.

Im Winter het dr Otto Reinacher senior als uf em Bödeli un z Gunzesried im Schwarzwald Skikirs gee. Derzue het bi dr Arbetsgmainschaft Markgreflerland mitgmacht.

Näbe haimetkundlige Ufsätz het dr Reinacher Gedicht uf Alemannisch gschribe, wu unter anderem im Markgräfler Jahrbuch uusechuu sin. Anne 1976 het er fir sy Schaffe d Johann-Peter-Hebel-Gedenkplakette iberchuu.

Dr Reinacher het au gmolt, zem Byschpel het er „Neuenweg mit Wanderheim und Beleben" in eme Aquarällbild feschtghalte.

Schrifte

• Vom Dorfabend und Dorfsingen zum Musterdorf. In: Markgräfler Jahrbuch 1939, S. 55–58
• Jeder Ort bekommt sein „Dorfbuch“. In: Markgräfler Jahrbuch 1939, S. 58–59
• Zum Geleit. In: Markgräfler Jahrbuch 1940/41, S. 3
• Der toten Mutter (Gedicht). In: Markgräfler Jahrbuch 1940/41, S. 50
• Die Kriegsereignisse im Markgräflerland. In: Markgräfler Jahrbuch 1940/41, S. 65–70
• Heimat- und Soldatenbriefe. In: Markgräfler Jahrbuch 1940/41, S. 108-113
• Weihnachtslied der Kriegsgefangenen 1945. In: Markgräfler Jahrbuch 1954, S. 122
• Festrede zum 75. Geburtstag von Hermann Burte. In: Das Markgräflerland. 16. Jahrgang, 1954, H. 1 (Beilage)
• Lied und Chor. In: Markgräfler Jahrbuch 1962, S. 64–65
• Treue um Treue. In: Markgräfler Jahrbuch 1962, S. 80–82

Literatur

• Fritz Schülin: Otto Reinacher zum Siebzigsten am 23. Mai 1971. In: Das Markgräflerland. Jg. NF 2(33).1971, H. 1/2, S.
• Den Toten zum Gedächtnis (Margreth Krieg, Otto Reinacher). In: Das Markgräflerland. Jg. NF 11, S. 99

Weblink

• dr Otto Reinacher uf LEO-BW