Notenbank

Us der alemannische Wikipedia, der freie Dialäkt-Enzyklopedy
Hops zue: Navigation, Suech

En Notebank oder Zentralbank oder Nationalbank isch en schtaatlichi Monopol-Bank, wo für en Gäldumlauf in ere Volkswirtschaft zueschtändig isch. Si reglet dä Gäldumlauf auch mit volkswirtschaftliche Ziel wo chönned sii: Gringi Inflation, nachhaltigs Wirtschaftswachstum mit Vollbeschäftigung, schtabili Währig. D Notebank versorget d Gschäftsbanke mit Gäld, vor allem auch mit Banknote. Mit dere Gäldmängi, der sog. Notebank-Gäldmängi, chann die sog. Kreditschöpfig von de Gschäftsbanke, und do dermit d Grössi von der gsamte volkswirtschaftliche Gäldmängi, im Sinn von de Notebank-Ziel mehr oder weniger gschtüret wärde. D EU het siit der Iifüehrig vom Euro keini mächtige nationale Notebanke meh, d Gäldpolitik wird von der Europäische Zentralbank EZB betriibe. In der Schwiiz, wo nit EU-Mitglied isch, isch die Schwiizerischi Nationalbank, wo 1907 gründet worde isch, d Notebank. In Groossbritannie, wo nid Däil vo dr Öirozoone isch, het d Bank vo Ängland immer no groosse Iifluss uf d Wirtschaft.

Literatur[ändere | Quälltäxt bearbeite]

J. Altmann: Arbeitsbuch Volkswirtschaftslehre/Wirtschaftspolitik