Nidhöggr

Us der alemannische Wikipedia, der freie Dialäkt-Enzyklopedy
Bild vom Weltbomm Yggdrasill mit dem Traach Nidhögg, wo a de Worzle naget

De Nidhöggr (an. Niðhǫggr m. »Hass-Schläger«) isch e Traach i de nordgermanische Mythologii.

De Nidhöggr wont i de Underwelt un nagt a de Worzle vom Weltbomm Yggdrasill. S Aichörndli Ratatöskr stiftet zwüschet em und em Adler, wo im Wipfel sitzt, Striit. S rennt de Bomm uf und ab und öbermittliet hässigi Wort. I de Völuspa werd de Nidhöggr as e Traach dargstellt, wo a de Tote s Bluet uusuuget und Liiche fresst. Nochem Ragnarök werd er wider uferstoo und im Nidhavellir wone.


Nidhöggr isch au de Name vomene Zwerg i de Thulur.

Büecher[ändere | Quälltäxt bearbeite]

  • Jan de Vries: Altgermanische Religionsgeschichte; Berlin 1956.
  • Rudolf Simek: Lexikon der germanischen Mythologie. Stuttgart (3. Aufl.) 2006. ISBN 978-3520-36802-4.