Nöirobiologii

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
E mikroskopischi Ufnaam vo dr Groosshirnrindi von ere Muus. E baar Nöirone wie s Püramide-Nöiron mit eme groosse Dendritebaum in dr Middi vom Bild exprimiere e Protein, wo grüen fluoresziert.

D Nöirobiologii beschäfdigt sich im Wääsentlige mit de molekulare und zällbiologische Grundlaage vo de Nöirowüsseschafte. Si undersuecht d Zälle vo de Närvesüsteem, wie si in funkzionelli Netz organisiert si, wo Informazioone verarbäite und s Verhalte vom Organismus entsprächend stüüre. Die nöironale Aktividääte wie d Kommunikazioon zwüsche Närvezälle ghööre im groosse Ganze eender in s Gebiet vo dr Nöirofüsiologii.


D Nöirobiologii isch Däil vo dr Biologii und vo de Nöirowüsseschafte. E Däilgebiet von ere isch d Nöiroanatomii, wo dr strukturelli und morfologischi Ufbau vom Närvegwääb studiert.


En umstritteni Forschigsdisziplin isch d Pflanzenöirobiologii, wo brobiert z verstoo, wie Pflanze iiri Umwält woornäme und druf reagiere, und die pflanzligi Signalverarbäitig undersuecht.