Nationalpark Schwarzwald

Us der alemannische Wikipedia, der freie Dialäkt-Enzyklopedy
D Lag vom Nationalpark im Südweschte vo Dütschland
De nördlich Teil vom Nationalpark
De südlich Teil vom Nationalpark

De Nationalpark Schwarzwald isch de erscht Nationalpark im dütsche Land Bade-Württebärg. Er ligt im Nordschwarzwald und umfasst e Flächi vo 10'062 Hektare. Gründt worde isch er uf de 1. Jänner 2014, am 3. Mai 2014 isch er offiziell ufgmacht worde.

Geographii[ändere | Quälltäxt bearbeite]

De Nationalpark bestoht us zwei Teil. De nördlicher glegeni Teil Hoher Ochsenkopf/Plättig isch 2'447 Hektare gross und umfasst s oberi Schwarzebachtal mit em Hohe Ochsekopf im Zentrum, em Mehliskopf im Weschte, de Badner Höh im Norde und em Nägeliskopf im Oschte. Usgnoh isch de Ort Herrewiis, chlineri Flächene um Plättig, Sand und s Wanderheim Badner Höh.
Zum südlich und mit 7'615 Hektare dütlich grösseri Teil Ruhestein ghört de Schliffkopf im Weschte, de Seekopf im nordweschte, s Rieseköpfle im Zentrum, de Leinkopf im Norde und de Grosshahnberg im Nordoste. De Wildsee, de Huzenbacher See und de Buhlbachsee ghöre zum Nationalpark, genau wi s oberi Schönmünztal. Am Weschthang vo Schliffkopf goht de Nationalpark bis zu de Allerheiliger Wasserfäll. De Ruhestei sälber isch nöd in de Park iigschlosse, genau wi d Darmstädter Hütte, s Schliffkopf-Hotel, s Rotmurg-Jägerhuus, d Sidlig Schonmünz (Volzenhäuser) und anderi chlini Gebiet.
De höchschti Punkt isch mit 1150 Meter uf em Dreifürschtestei bi de Hornisgrinde.

Weblink[ändere | Quälltäxt bearbeite]

 Commons: Nationalpark Schwarzwald – Sammlig vo Multimediadateie