Nathalie Barthoulot

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Nathalie Barthoulot, wo am 31. Augschte 1968 uf d Wält cho isch, isch e Schwiizer Politikerin.

Si isch vo Goumois und d Dochter vom Yvan Siegenthaler und vo dr Marie-Laure Barthoulot geb. Haegeli. Iire Maa isch dr Claude Barthoulot. A dr Uni Nöieburg het si Wirtschaftswüsseschaft studiert. Vo Prueff isch si Chauffrau und Lehrerin a dr Handelsfachschuel vom Kanton Jura gsi.

Anne 1990 isch si der SP vom Kanton Jura biiträtte, und sid 1998 isch si für die im Parlamänt vom Kanton gsi. Für s Joor 2007 het me se zu däm synere Presidäntin gwäählt.

2008 isch si d Kopresidäntin vo dr Volchshochschuel Jura woorde.

Anne 2009 het d Barthoulot bim kantonale Bildigsdepartemänt agfange schaffe. Döört isch si gsi, bis se s Volch vom Kanton Jura am 8. Novämber 2015 id Kantonsregierig gwählt het. Sid em eerschte Jänner 2016 isch si d Vorsteherin vom Innedepartemänt vom Kanton.

Literatur[ändere | Quälltäxt bearbeite]

  • Emma Chatelain: Barthoulot, Nathalie (1968-). In: Dictionnaire du Jura, 19. Jänner 2017.