Natascha Beller
D Natascha Beller (* 17. Februar 1982 z Züri) isch e Schwyzer Draibuechautori un Reschiseri. Si isch Co-Autori vum Viral-Hit America First, Switzerland Second.[1] 2019 isch ire erscht Kinofilm Die fruchtbaren Jahre sind vorbei[2][3] uusechuu.
Lääbe
[ändere | Quälltäxt bearbeite]D Natascha Beller het vu 2006 bis 2010 an dr Zürcher Hochschuel vu dr Chinscht studiert.[4] Im Aaschluss het si ne Draibuecuusbildig z New York gmacht. 2010 het si dr ADC Young Creatives Award gwunne.[5]
Ire greescht Publikumserfolg as Co-Autori isch American First, Switzerland Second,[6] wu si zäme mit em Autoreteam vu dr Sändig Deville un ire Lääbespartner Patrick „Karpi“ Karpiczenko[7] gschriibe het. Där satirisch Clip, wu vun ere niderländische Version inschpiriert gsii isch,[8] isch in dr Schwyz zum beliebteschte Youtube-Video vum Johr 2017 mit iber zwelf Millione Ufruef wore. Dr Clip sich fir d SRF-Sändig Late-Night-Show Deville broduziert wore. Vu 2016 bis 2020 isch d Natascha Beller Autori un Reschiseeri vu dr Late-Night-Show gsii.
Mit em Patrick Karpiczenko fiert d Beller syter 2016 d Firma Apéro Film GmbH.[9]
Anne 2019 het si ire erscht Film Die fruchtbaren Jahre sind vorbei in d Kino brocht. Fir dr Film isch sii verantwortli gsii fir s Draibuech, d Reschy un d Produkzion. D Kumedi het 2019 uf dr Piazza Grande am Locarno Filmfeschtiwäl Premiere gfyyrt un isch dert un an dr SoledurnerFilmdääg 2020 fir dr Publikumsbryys nominiert gsii.
Im Johr 2020 het d Natascha Beller iri erscht TV-Serie Advent Advent bi SRF realisiert.[10][11] Di vierdailig Krimiparody het um d Wynäächte gspiilt.
D Natascha Beller isch e Doochter vum Böuunternämer Walter Beller (1949–2020).[12]
Uusglääseni Filmografy
[ändere | Quälltäxt bearbeite]- 2010: May (Draibuech & Reschy, ZHdK Bachelorfilm, Drama)
- 2013: Das Zimmer 530 (Draibuech & Reschy, Churzfilm „Hotel Film Award“, Kumedi)
- 2014: Höchste Zeit (Draibuech, Churzfilm, Kumedi)
- 2014: Vaterjagd (Draibuech, TV-Film SRF, Kumedi)
- 2015: Suspekt (Autori, 2 Folge)
- 2017: MIGROS Migusto „Kochwissen“ (Co-Autori, 21 Episode, Wärbig)
- 2017: Zwiespalt (Draibuech, TV-Film SRF, Drama)
- 2019: Ausgelacht (Co-Autori, Heerspiel Radio SRF, Krimi mit Humor)
- 2019: Einfach Zürich filmische Bydrag zue „Bassersdorf“ fir di permanent Uusstellig im Landesmuseum
- 2019: Der Bestatter (Autori Stapfe 7, Draibuech Folg 4, TV-Serie SRF, Krimi)
- 2019: Die fruchtbaren Jahre sind vorbei (Draibuech & Reschy & Produkzion, Spiilfilm, Kumedi)
- 2016–2020: Deville (Autori & Reschy, 71 Episode, SRF Late-Night-Show)
- 2020: Advent, Advent (Draibuech & Reschy, TV-Serie SRF, Krimi-Parody)
- 2022: Ruby
Weblink
[ändere | Quälltäxt bearbeite]- Websyte vu dr Natascha Beller
- Natascha Beller in dr Internet Movie Database
- Natascha Beller bi swissfilms.ch
Fueßnote
[ändere | Quälltäxt bearbeite]- ↑ American First, Switzerland Second
- ↑ Die fruchtbaren Jahre sind vorbei | cineworx. Abgruefen am 26. November 2020 (de-DE).
- ↑ Natascha Beller: «Ich dachte, SRF wird die Serie nicht durchgehen lassen». In: annabelle.ch. Abgruefen am 2. Dezember 2020.
- ↑ ZHdK-Zürcher Hochschule der Künste: Natascha Beller | ZHdK.ch. Abgruefen am 26. November 2020.
- ↑ ADC Young Creatives Award
- ↑ American First, Switzerland Second
- ↑ https://karpi.squarespace.com/
- ↑ Rachel Donadio, Liam Stack: Hearing ‘America First,’ European Nations Jockey to Be Second. In: The New York Times. 6. Februar 2017, ISSN 0362-4331 (nytimes.com [abgerufen am 4. Oktober 2021]).
- ↑ Über uns. In: aperofilm.ch. Abgruefen am 26. November 2020.
- ↑ Advent, Advent – Natascha Beller – Regisseurin, Drehbuchautorin. Abgruefen am 26. November 2020.
- ↑ Daniel Fuchs: Talentierte Filmemacherin: Natascha Beller drehte eine Weihnachtsserie – SRF hätte ihr besser mehr Freiheiten gelassen. Abgruefen am 2. Dezember 2020.
- ↑ Das schillernde Leben von Walter Beller. 19. Mai 2020, abgruefen am 26. November 2020.
|
Dä Artikel basiert uff ere fräie Übersetzig vu dere Version vum Artikel „Natascha_Beller“ vu de dütsche Wikipedia. E Liste vu de Autore un Versione isch do z finde. |