Naruto
| Seriedate | |
|---|---|
| Dütsche Titel: | Naruto |
| Originaltitel: | Naruto ナルト |
| Produktionsland: | Japan |
| Produktionsjohr: | sit 2002 |
| Längi von erä Folg: | öbbe 25 Minute |
| Zahl vo de Folge: | Naruto: 220 (J); 220 (D) Shippūden: 174 (J) (Stand: 24. Oktober 2010) |
| Originalsproch: | Japanisch |
| Musik: | Masuda Toshiro |
| Idee: | Masashi Kishimoto |
| Genre: | Action, Abentüür, Komödie, Shōnen |
| Erstusstrahlig: | 3. Oktober 2002 (Japan) auf TV Tokyo |
| Erstusstrahlig (de): | 18. September 2006 auf RTL 2 |
D'Anime-Reihe Naruto wird siit 1999 im japanische Fernseh uusgstrahlt mit überuus grosser Beliebtheit. Sie isch uufgrund vo grosser Zueschauer-Resonanz au i anderi Länder wie Amerika, England oder Dütschland übernoh und synchronisiert worde. In Dütschland lauft sie siit 18. September 2006 uuf RTL 2.
Basiere dued die Anime-Reihe ufem gliichnamige Manga vo Masashi Kishimoto.
Handligsübersicht
[ändere | Quälltäxt bearbeite]Im Zentrum stoht de 12-jöhrig Uzumaki Naruto. Er wird vo de andere Jugendliche und Erwachsene gmiide, wiil d'Essenz vomene Fuchsmonster, wo i de Vergangeheit siis Dorf Konohagakure zerstört hät, i sin Körper versieglet worde isch. Er kompensiert das Gfühl vo Einsamkeit und Uusgstosesii mit emene uusgsprochene Sinn für Profilierig. So wott er mit chindische Streich Ufmerksamkeit uf sich zieh. Und sin Traum isch drum nüd gringers wie emol de bescht und wichtigscht Ninja vo siim Dorf z'wärde. Er chund noch de bestandene Ninja-Grundprüefig ines Dreierteam, wo vom Eliteninja Kakashi Hatake gleitet wird, zäme mit siim Schwarm Sakura Haruno und dem beschte Ninjaschüeler Sasuke Uchiha. De primär Widersacher i de Hauptgschicht, de noch Macht und Unsterblichkeit strebendi Orochimaru, grift im Lauf vomene Ninja-Examen Konohagakure aa mit em Ziil, das Dorf a sich z'risse. Das glingt ihm zwar ned, aber er hät chöne de momentan Chef und höchscht Ninja vom Dorf im Kampf töte. Druufab möched sich alli uuf d'Jagd vom Orochimaru und sini Hälfer, z'vorderscht natürlich s'Team um de Naruto.
Aber im Lauf vo de Verfolgig entscheidet sich de Teamkamerad vom Naruto, de Sasuke Uchiha, d'Siite z'wächsle. Sin Atrieb en Ninja z'wärde begründet sich nämlich dorin, sich anere Person chöne z'räche, wo sini Eltere und de ganze Clan umbrocht hät, sim Brüeder. Um no mächtiger zwerde und siim Ziel nöcher zcho schlüüsst er sich am Orochimaru aa. Er suecht widerum en starche und mächtige "Container" für siini Seel und im Sasuke glaubt er de richtig Körper denn z'bsitze.
De Naruto, wo für en de Sasuke en wichtige Fründ worde isch, nimmt das ned eifach so hi und versuecht vo jetzt a au siin Fründ z'rette.
Damit d'Mangavorlag in Rueh cha d'Gschicht wiitertribe, möched d'Produzente vom Anime ab dem Punkt en Handligsstopp und fülled sie mit Füllerepisode.
Weblinks
[ändere | Quälltäxt bearbeite]- Offizielle Homepage (englisch)
- Offizielle Homepage von TV Tokyo zur Anime-Serie (japanisch)
- Schnittberichte zur deutschen Narutofassung (deutsch)
- Naruto in dr Internet Movie Database