Nagib Mahfuz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Nagib Mahfuz (1990er-Joor)

Dr Nagib Mahfuz (arabisch نجيب محفوظ ‎, DMG Naǧīb Maḥfūẓ, au Nagib Machfus oder Naguib Mahfouz, ängl. Nadjib Mahfus; * 11. Dezämber 1911 z Kairo; † 30. August 2006 z Kairo) isch en egüptische Schriftsteller gsi. Er het as äine vo de bedütendste Autore in siner Häimet gulte und as äine vo de füerende Intellektuelle in dr arabische Wält. 1988 het er as dr erst arabischsproochigi Autor dr Nobelbriis für Litratuur überchoo.

Lääbe[ändere | Quälltäxt bearbeite]

Dr Nagib Mahfuz isch z Kairo ufgwaggse, het Filosofii studiert und in de 1930er-Joor as Beamter im egüptische Bildigsministerium afo schaffe. In siner Freizit het er Churzgschichte verfasst und 1939 dr erst vo drei Romään über d Faraonezit veröffentligt. Egüpte het in sällere Zit e halbkoloniale Status ghaa und mit deene historische Romään het dr Mahfuz brobiert, d Erinnerig an die groossi Vergangehäit vom Land wachzhalte und die nazionali Identidäät vo de Egüpter z sterke.

In de Vierzger Joor het er realistischi Romään mit zitgenössische Themene afo schriibe und mit sinere Kairoer Trilogii isch er dr bedütendst arabisch Schriftsteller und wältberüemt worde. Mit sim Roman us em Joor 1959, Die Kinder unseres Viertels, het er d Islamiste gege sich ufbrocht, won em Gotteslästerig vorgworfe häi.

Dr Mahfuz het dr Friidensprozäss mit Israel understützt und isch vo Fundamentaliste und arabische Nazionaliste aagriffe worde. Ass er 1988 dr Nobelbriis überchoo het, häi d Islamiste as westligi Provokazioon aagluegt. 1994 het en än Islamist mit eme Mässer aagriffe und schweer verletzt.

Am 30. August 2006 isch dr Nagib Mahfuz z Kairo im ene Chrankehuus gstorbe.

Usser Romään, Churzgschichte und Essey het dr Mahfuz au Dräibüecher gschriibe. E Hufe vo sine Wärk si verfilmt worde, u.a. Qasr asch-Schauq (Palast der Sehnsucht, 1967) und As-sukkariyya (Zuckergässchen, 1972) mit dr Nour El-Sherif.

Wärk[ändere | Quälltäxt bearbeite]

Weblingg[ändere | Quälltäxt bearbeite]

 Commons: Nagib Mahfuz – Sammlig vo Multimediadateie

Wikisource S dütschsprochig Wikiquote hät Zitat zum Thema „Nagib_Mahfuz

Noochrüef
Information icon.svg Dä Artikel basiert uff ere fräie Übersetzig vum Artikel „Nagib_Mahfuz“ vu de dütsche Wikipedia.

E Liste vu de Autore un Versione isch do z finde.