Nachmanides

Us der alemannische Wikipedia, der freie Dialäkt-Enzyklopedy

Nachmanides (* 1194 z Girona, † 1270 in Palästina) isch dr latinisiert Name vom Rabbi Mosche ben Nachman, won ä jüdische Glehrte, Rabbi, Arzt, Philosoph und Dichter us Katalonie gsi isch. Mänggisch het er au dr Biname Gerundi noch siner Heimatschdadt. Dr Name Rabbi Moses ben Nachman wird hüfig abkürzt as Ramban. Uf Katalanisch het er Bonastruc ça Porta gheisse.

Läbe[ändere | Quälltäxt bearbeite]

Dr Nachmanides schdammt von erä jüdische Glehrtefamilie. Er het die jüdische Schrifte schdudiert, aber au Medizin und Philosophii und isch eini vo de iiflussriichschte geistlige und politische Persönlichkeite under de Jude z Katalonie worde

Er isch wäge siner Glehrsamkeit sehr agseh gsi bi de chrischdlige Herrscher, aber dr Jakob I. vo Aragón het em einewäag 1263 befoole am ne öffentlige Schtritgschbröch gege dr Judechrischt Pablo Christiani mitzmache, dr Disputation vo Barcelona. Dr Nachmanides het d Dispuation zwar gwunne und het vom König riichi Gschänk übercho, aber d Dominikaner, wo drbii gsi si, hai en beschuldigt, ass er dr chrischtlig Glaube beleidigt haig. Wo dr Babscht Clemens IV. sich iigmischd het, het dr Nachmanides Katalonie müesse verlo.

1267 het sich dr Nachmanides im Heilige Land niiderglo und brobiert, die jüdische Gmeinde nach de Zerschdörige, wo d Chrüzzüg und d Tataren-Invasione agrichtet hai, widr neu ufzbaue. Synagoge si baut worde und vili jüdischi Siidler hai sich z Akko, Jerusalem und Haifa niiderglo.

Dr Nachmanides isch im Johr 1270 gschdorbe. Es isch möglig, ass sis Grab uf em Bärg Karmel z Haifa liit.

Literatur[ändere | Quälltäxt bearbeite]

  • Charles B. Chavel: Ramban. His Life and Teachings. New York 1960.
  • H.-G. von Mutius: Die christlich-jüdische Zwangsdisputation von Barcelona, Frankfurt/M. 1982
  • Haviva Pedaya: NAḤMANIDES. In: Encyclopaedia Judaica, 2. Uflag, Band 14, Detroit/ New York u.a. 2007, ISBN 978-0-02-865942-8, S. 739–748  (englisch)
  • Rolf Schmitz: Nachmanides. In: Lexikon des Mittelalters (LexMA). Band 6 , Artemis & Winkler, Münche/Züri 1993, ISBN 3-7608-8906-9, Sp. 996–997.
  • Christoph Dröge: NACHMANIDES (= MOSES BEN NACHMAN). In: Biographisch-Bibliographisches Kirchenlexikon (BBKL). Band 6, Herzberg 1993, ISBN 3-88309-044-1, Sp. 428–430.

Weblingg[ändere | Quälltäxt bearbeite]

 Commons: Nachmanides – Sammlig vo Multimediadateie
Dä Artikel basiert uff ere fräie Übersetzig vum Artikel „Nachmanides“ vu de dütsche Wikipedia. E Liste vu de Autore un Versione isch do z finde.