Mutter Courage und ihre Kinder (Film)

Filmdate
Originaltitel	Mutter Courage und ihre Kinder
Produktionsland	DDR
Originalsprooch	Deitsch
Erschiinigsjoor	1960
Lengi	149 Minute
Altersfreigoob	FSK 12
Stab
Regie	Peter Palitzsch
Dräibuech	Peter Palitzsch nôch-em gleichnamiga Theaterstick vom Bertolt Brecht
Produktion	VEB DEFA-Studios z Babelsberg
Muusig	Paul Dessau
Kamera	Harry Bremer
Bsetzig
D Helene Weigel als Mutter Courage D Angelika Hurwicz als dera ihr Dochter Katrin Dr Ekkehard Schall als Soh Eilif Dr Heinz Schubert als Soh Schweizerkas Dr Willi Schwabe als Werber Dr Gerhard Bienert als Feldwebl Dr Ernst Busch als Koch Dr Norbert Christian als Feldhauptmôô Dr Wolf Kaiser als Feldprediger Dr Harry Gillmann als Zeigmoischtr D Regine Lutz als Yvette Portier Dr Peter Kalisch als Môô mit oim Aug Dr Erik S. Klein als Zwoider Feldwebl Dr Wolf von Beneckendorff als Obrischt Dr Ralf Bregazzi als Schreiberleng

Dialäkt: Schwäbisch

Mutter Courage und ihre Kinder ischt a deitscher Schbiilfilm (DDR) en Schwarz-Weiß us-em Jôhr 1960 vom Regisseur ond Brecht-Schialer Peter Palitzsch. Dr sell hôt au s Drehbuach gschriiba. Des entschbricht abr weitgehend em gleichnamiga Theaterstick vom Bertolt Brecht. En dr DDR isch der Stroifa zom erschda Môl am 10. Februar 1961 ond en dr Bundesrepublik Deitschland am 12. März 1965 ens Kino komma.

Handlong

Der Film schildret a Chronik us-em Dreißgjähriga Kriag vo-ra Marketendere, wo vom ond durch da Kriag leaba will, aber emmer durch a Handls-Entresse ois vo ihre drei Kender vrliirt. Was de näher Handlong ôôgôht, wuud uff da Hauptartikl Mutter Courage und ihre Kinder vrwiisa, wo em Brecht sei Theaterstick behandlet.

Kridik

• S Lexikon des internationalen Films fasst sei Urteil so zamma, dass dr Bihnacharakder vo dera eidrucksvolla Uffihrong weitgehend erhalda bleibt. Dr Titl ischt henda mit-ma Sternle kennzoichnet, was bedeidet, dass-es sich obedengt lohnt, dean Stroifa ôôzogucka.
• Dr Evangelische Film-Beobachter schreibt, der Film dät dui geniala Modellinszeniirong vo 1949 ohne Enderonga uff d Leiwand brenga. Fir d Leit ab 16 Jôhr sei dr Bsuach em Kino mit Nôchdruck empfohla.

Auszoichnonga

• D Filmbewerdongsstell Wiesbada hôt deam Film s Prädikat «Besonders Wertvoll» erteilt.
• D Evangelischa Filmgilde hôt dean Film zom beschda Film vom Monat April 1965 erklärt.

Weblink

• Mutter Courage und ihre Kinder in dr Internet Movie Database