Museum fir Stadtgschicht Fryybeg
S Museum fir Stadtgschicht vu dr Stedtische Museä Fryybeg im historische spotbarocke Wentzingerhuus zaigt d Gschicht vu dr Stadt Fryybeg vu dr Aafäng um 1100 bis in d Barockzyt.
S Museum isch e Abdailig vum nochglägene Auguschtinermuseum. Dr Schwärpunkt lyt uf dr Gschicht vum Handel un em Gwärb, dr Klöster un dr Universitet. S zaigt Modäll vu dr Stadt um 1600 un 1700 un di böulig Entwicklig vu dr Stadt bis in d Gegewart mit Aasichte un Blän.
S Gebei isch anne 1761 vum Chinschtler un Stifter Johann Christian Wentzinger (1710–1797) as Atelier- un Wohnhuus fir sich sälber böue wore. Bsundersch inträssant isch dr Stäägesaal mit Deckegmälde un im iberdachte Innehof d Staiskulpture vu dr „Vier Johreszyte“ us em Schloss Ebnet, wu zue dr Hauptwärch vum Wentzinger zelle.
Im Museum git s Exponat iber d Zyt vu dr Zääriger, wu anne 1218 mit em Herzog Bertold V. uusgstorbe sin un d Grinder vu dr Stadt Fryybeg gsii sin. Dernäbe het s Dokumänt un Exponat iber dr Wandel vum Stadträcht z Fryybeg vu dr Grofe vu Urach iber s Ufchuu vu dr Zimft, dr Ibergang zue dr Habsburger bis zum Aaschluss an Bade.
E ander Thema vum Museum isch dr Böu vum Fryybeger Minschter, wu mit eme Minschtermodäll d Böutächnik vu dr Gotik erklert wird. Uusgstellt sin Zytdokumänt zue dr ainzelne Böuphase un Grabblatten un -dänkmeler.
Au d Zyt vum Dryssgjehrige Chrieg un d Folge vun em, s Läbe vu dr Gaischtlige un s Löbe vu dr aifach Mänsche wird dargstellt, mit Handel, Bärgböu, Handwärch un Gwärb.
S Läben in eme Chloschter wird am Chloschter Adelhuuse dargstellt, em wichtigschte Frauechloschter z Fryybeg.
Zwai Stadtmodäll zage Fryybeg mit syybe mittelalterlige Muure un Dor um 1600 un im barocke Feschtigsstäärn um 1700. E dritt Modäll dokumentiert dr mittelalterlig Böubedrib Fryybeger Minschter.
E Bsunderhait isch bis 2009 dr Steinway-Welte-Reproduktionsfligel gsii, wu jetz wider im Auguschtinermuseum zaigt wird.
Literatur
[ändere | Quälltäxt bearbeite]- Peter Kalchthaler: Wentzingerhaus, Museum für Stadtgeschichte: ein Führer durch die stadtgeschichtliche Sammlung des Augustinermuseums Freiburg. Freiburg: Promo-Verl., 1996. ISBN 3-923288-19-0
Weblink
[ändere | Quälltäxt bearbeite]Koordinate: 47° 59′ 41,7″ N, 7° 51′ 11,3″ O
|
Dä Artikel basiert uff ere fräie Übersetzig vum Artikel „Museum_für_Stadtgeschichte_Freiburg_im_Breisgau“ vu de dütsche Wikipedia. E Liste vu de Autore un Versione isch do z finde. |