Multiplikation

D Multiplikation (v. lateinisch multiplicare ‚vervilfache‘, au Molneh gnennt) isch eini vo de vier Grundrächenarte in dr Arithmetik. Ihri Umchehroperation isch d Division (s Deile). In de Wirtschafts- und Sozialwüsseschaften verstoht mä under Multiplikation dr Prozäss vo dr Verbreitig vo Praktike, Kompetänze und Iistellige mittels Multiplikator bzw. Multiplikatore.

Begriff

D Multiplikation vo natürlige Zahle entstoht dur s widerholte Addiere (Zsämmezele) vom gliiche Summand:

${\begin{matrix}\underbrace {b+b+\cdots +b} \\{a}\\[-4ex]\end{matrix}}=\sum _{i=1}^{a}b=a\cdot b$

a und b nennt mä Faktore, wobii a au as Multiplikator und b au as Multiplikand bezeichnet wärde.

D Rächnig „a mol b“ heisst Multiplikation, s Ergäbnis Produkt.

Merkhilfe:

Wärt vom Produkt = 1. Faktor · 2. Faktor bzw. 2. Faktor · 1. Faktor = Wärt vom Produkt

oder

Wärt vom Produkt = Multiplikand · Multiplikator bzw. Multiplikator · Multiplikand = Wärt vom Produkt.

Zum Bischbil schribt mä 3 · 4 für 4 + 4 + 4, und sait „drei mol vier“. Anstatt vo 3 · 4 wird mänggisch au 3 × 4 oder 3 * 4 gschriibe.

Bi dr Multiplikation mit Variable loot mä dr Punkt hüfig wäg (5x, xy).

Bi dr Multiplikation vo mehrere oder vile Zahle cha mä s Produkt-Symbol $\prod$ (abgleitet vom grosse griechische Pi) bruuche:

$\prod _{i=m}^{n}a_{i}:=a_{m}\cdot a_{m+1}\cdot \dots \cdot a_{n-1}\cdot a_{n}$

$n,m$ si ganzi Zahle, $i$ wird Laufvariable gnennt. Für e Fall $n<m$ isch s Produkt als 1 definiert.

Weblingg

 Commons: Multiplication – Sammlig vo Multimediadateie

• Wer hat das Malnehmen erfunden? (PDF, 169 KiB)