Mosche de Leon

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
E Büste vom Mosche de Leon z Guadalajara

Dr Mosche ben Schem Tov de Leon (משה בן שם-טוב די-ליאון, * um 1250 z Guadalajara in Spanie; † 1305[1] z Arévalo) isch ursprünglig en Aahänger vom Maimonides[1] gsi und spööter e Kabbalist worde. Er het under anderem z Guadalajara und z Ávila gläbt.

Dr Mosche de Leon isch mit em Josef Gikatilla bekannt gsi und het si brofeetischi Kabbala kenne gleert. Under däm Iifluss het er sich noch em Studium vo nöiplatonische Teggst zum iiflussriichste Verdräter vo dr theosoofische (sephiroth-theoloogische) Richdig entwigglet.[1] Iim wird dr grösst Däil vom Wärk Sohar zuegschriibe, wo in ere aramääische Kunstsprooch verfasst isch und vom Mosche de Leon vo öbbe 1275 aa „as en aagääblig alts Wärk vom Tannait Shim`on bar Jochaj“ us em früeje 2. Joorhundert verbräitet worde isch. Er het denn under sim äigene Naame kabbalistischi Schrifte verfasst und in deene us em Sohar zitiert wie us eme alte Buech.[1] Dr Sohar isch zum Hauptwärk vo dr Kabbala worde und het die übrige kabbalistische Schrifte in Hindergrund drängt[2], aber über e Mosche de Leon as dr muetmaasslig Verfasser isch weenig bekannt.

Liddratuur[ändere | Quälltäxt bearbeite]

  • Angel Sáenz-Badillos, Judit Targarona Borrás: Diccionario de autores judios. (Sefarad. Siglos X-XV). El Almendro, Córdoba 1988, ISBN 84-86077-69-9, (Estudios de Cultura Hebrea 10), S. 71f.

Fuessnoote[ändere | Quälltäxt bearbeite]

  1. 1,0 1,1 1,2 1,3 Johann Maier: Die Kabbalah. Einführung – Klassische Texte – Erläuterungen. Verlag C.H. Beck, Münche 1995, ISBN 3-406-39659-3, S. 13 f.
  2. Johann Maier: Die Kabbalah. Einführung – Klassische Texte – Erläuterungen. Verlag C.H. Beck, München 1995, ISBN 3-406-39659-3, S. 15.
Information icon.svg Dä Artikel basiert uff ere fräie Übersetzig vum Artikel „Mosche_de_Leon“ vu de dütsche Wikipedia. E Liste vu de Autore un Versione isch do z finde.