Mitose

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Mitose (mit dr Interfaase, wo sträng gnoo nit zur Mitose ghört, sondern zum ganze Zällzüklus.)

D Mitose (griech. μίτος mitos ‚Faade‘), Karyokinese (griech. κάρυον karyon ‚Kern‘, κίνησις kinesis ‚Beweegig‘) oder indiräkti Kärndäilig isch d Zällkärndäilig bi Zälle vo öikaryotische Lääbewääse. Noch dr Däilig vom Kärn chunnt s mäistens zur Däilig vo dr Zällle sälber (Zytokinese), sodass us äinere Zälle zwäi Dochderzälle entstöön. D Mitose und d Zytokinese wärde au as M-Faase (Mitose-Faase) zämmegfasst. Mit de Interfaase zwüsche de M-Faase bilde si dr Zällzüklus.

Wääred dr S-Faase vo dr Interfaase wird dr DNA-Doppelstrang, wo in de Chromosome dinne isch verdobblet, so dass jedes Chromosom us zwäi Schwöster-Chromatide bestoot, wo in bäide e Kopii vom DNA-Doppelstrang dinne isch und wo am Zentromer zämmehänke. Bi dr Mitose, wo denn chunnt, wird jedes Chromosom so ufdäilt, ass bäidi Dochderkärn vo jedem Chromosom äi Schwöster-Chromatid überchunnt. Bäidi Kärn bechömme eso e Kopii vom Erbguet vo dr Mueterzälle. Im Underschiid zur Meiose änderet sich dr Ploidiegrad von ere Zälle bi de Mitose nit.

Weblingg[ändere | Quälltäxt bearbeite]

 Commons: Mitose – Album mit Multimediadateie
Information icon.svg Dä Artikel basiert uff ere fräie Übersetzig vum Artikel „Mitose“ vu de dütsche Wikipedia.

E Liste vu de Autore un Versione isch do z finde.