S Ministerium für Finanze Baade-Württebärg

Us der alemannische Wikipedia, der freie Dialäkt-Enzyklopedy

S Ministerium für Finanze Baade-Württebärg isch en Oobersti Landesbehörde. Es isch e Ministerium in dr Verwaltig vom Land Baade-Württebärg. D Behörde het iire Sitz am Schlossblatz 4 in dr Landeshauptstadt Stuttgart.[1]

Läitig[ändere | Quälltäxt bearbeite]

Dr Danyal Bayaz (vo de Grüene) isch dr Minister sit 2021, d Gisela Splett (Grüene) isch sit 2016 d Staatssekretäärin. Dr läitend Beamti und Amtsschef isch sit 2016 dr Ministeriaaldiräkder Jörg Krauss (vo de Grüene). dr Amtsläiter vom Finanzministerium isch dr Finanzminister, understützt vom Staatssekretäär.

Gschicht[ändere | Quälltäxt bearbeite]

Am 12. Mai 2011 isch s für d Zit vo dr grüen-roote Legislatuurperioode bis Mai 2016 mit em Wirtschaftsministerium zum Ministerium für Finanze und Wirtschaft Baade-Württebärg zsämmegschlosse worde. Wo s Kabinett Kretschmann II d Regierig übernoo het, isch s Ministerium wiider äigeständig worde.

Dr Gschäftsberiich[ändere | Quälltäxt bearbeite]

Zum Gschäftsberiich ghööre:

  1. die allgemäini Finanzpolitik und die öffentligi Finanzwirtschaft
    1. s Hushalts-, Kasse- und Rächnigswääse, d Finanzblaanig;
    2. d Finanzbeziejige zum Bund, de Länder und Gmäinde und zur Öiropääische Unioon;
    3. d Gäld-, Kredit- und Schuldeverwaltig und Landesbürgschafte;
  2. s Loon-, Versorgigs- und Dariifrächt inklusiiv em Räis- und Züügligsunchosterächt, s Biihilfrächt;
  3. s Stüürwääse und d Stüürverwaltig, d Landes-, Gmäindi- und Bundesstüüre;
  4. dr staatlig Hoochbau, s staatlige Vermööge
    1. s Baumanidschment (staatlige Hoochbau),
    2. s Immobiliemanidschment (staatligi Liigeschafte ooni d Waldwirtschaft, s Underbringe vo de Behörde),
    3. s Geböidmanidschment (Gebäidbewirtschafdig),
    4. d Schlösser und Gäärde;
    5. s Fiskaalerbrächt, d Woonigsfürsorg;
  5. Staatligi Undernääme und Bedäiligunge;
  6. d Verdäidigungslaste und Liigeschaftsfrooge vo dr Armee
  7. Statistik;
  8. Widerguetmachig.

Kwelle[ändere | Quälltäxt bearbeite]

Dr Ardikel «Ministerium für Finanzen Baden-Württemberg» uf dr dütsche Wikipedia

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Das Neue Schloss in Stuttgart. Amtssitz. In: fm.baden-wuerttemberg.de. Ministerium für Finanzen Baden-Württemberg, abgruefen am 19. Dezember 2021.