Michele Musso
| Dialäkt: Züritüütsch |
De Michele Musso (* 1. Februaar 1967 z Turyn) isch en italienische Veterinèèrmedizyner, wo sich starch für d Walserkultuur vo Issime (Éischeme) angaschiert.
Läben und Schaffe
[ändere | Quälltäxt bearbeite]Em Musso syni Eltere chömed us der Umgäbig von Asti im Piemont, händ sich aber i de Hauptstadt Turyn gchänegleert. Deet hät er ali Schuele bsuecht und dän au a der Uniwèrsitèèt Turyn Veterinèèrmedizyn gstudiert. 1993 hät er sys Stuudium abgschlosse, und hüt isch er a dèren Uni für d Biblioteek vo sym Fach zueständig.
1972 hät d Familie Musso z Issime iri Summerfèrie verbraacht, und esoo isch er s eerscht Maal i das Doorff choo, won en bis hütt nöd looslaat. 1989 isch er Mitgliid vo der Associazione Augusta woorde. 1992 hät er s eerscht Maal i dèren irer Kultuur- und Gschichts-Zytschrift Augusta en Artikel gschribe, und zwaar über de vergässe Fluername Le pré des Allemands und über s Zämeträffe vo de gèrmaanische mit de latynische Wält. Sit doo ghöört er zu den aktyvschte Lüüt, wo sich mit der alpyne Läbeswält vo den Issimese usenandsetzt. 1998 hät er sich es Huus im Duarf gchaufft, em Hauptoort vo de Gmäind Issime. Und sit 2018 isch er de Presidänt vo der Associazone Augusta.
D Familie Musso isch übrigens mit em Don Bosco verwandt, em Gründer vom Salesiaaner-Oorde; syni Uurgrosmueter isch dèm syni Ggusyne gsy.
Autoorschaft und Usegäberschaft
[ändere | Quälltäxt bearbeite]- Imelda Ronco, Michele Musso: Éischemgseiti. Les dictions van a voart. Aosta 2007.
- Silvia Dal Negro, Monica Valenti, i Zämenaarbet mit em Michele Musso: Issime, una comunità plurilingue. L’analisi di un corpus. Aosta 2008.
- Flavio Zappa, useggèè vom Michele Musso: I segni visibili e invisibili del paesaggio rurale. Stein e Bétti due alpe walser. Aosta 2008.
- verschideni Autoore, useggèè vom Michele Musso: “Année de grâce 1915”. Grat Vesan e Jean-Jacques Christillin, due protagonisti del ’900. Aosta 2015.
- Michele Musso, mit Yfüerige vom Matteo Rivoira, em Marco Angster und de Silvia Dal Negro: L’espressione linguistica dello spazio in un’area plurilingue. Il paesaggio toponomastico della media Valle del Lys. Aosta 2017.
Quäle
[ändere | Quälltäxt bearbeite]- L’amore sviscerato per Issime e il mondo walser hanno preso il cuore di Michele Musso. I: La Vallée vom 11. Februaar 2023.