Meerwalnuss

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Meerwalnuss (latynisch: Mnemiopsis leidyi) isch en Art vo de Kwalle.

d Meerwalnuss

Das Dier isch öppe zää Santimeter gross. Es frisst s Zooplankton und d Larfe und d Eier vo de Fisch. Mit dr Bioluminiszänz cha s Dier im Dunkle lüüchte.

Früener isch die Art nume im Meer noch vo de Ufer vom Atlantik bi Nord- und Südmarika dehei gsi. Anne 1982 het me se im Schwarze Meer gfunde.[1] Me dänkt, ass d Kwalle mit Meerwasser i de Balaschttänk vo grosse Schiff dörthi cho isch. D Meerwalnuss het sech als «invasyvi Neozoe» im Schwarze Meer starch usbreitet und gwüssi Fischarte sind wägen ire sälte worde.

Ane 2006 het me d Kwallen au i dr Oschtsee entdeckt.

Weblink[ändere | Quälltäxt bearbeite]

 Commons: Meerwalnuss – Album mit Multimediadateie

Fuessnoote[ändere | Quälltäxt bearbeite]

  1. T.A. Shiganova (1998): Invasion of the Black Sea by the ctenophore Mnemiopsis leidyi and recent changes in pelagic community structure. Fisheries Oceanography 7: 305–310. doi:10.1046/j.1365-2419.1998.00080.x