Mauro Caviezel

Mauro Caviezel
Nation	Schweiz Schwiz
Geburtstag	18. Augschte 1988
Größi	181 cm
Gwicht	87 kg
Karriere
Disziplin	Abfahrt, Super-G, Kombination
Verein	SC Beverin
Status	aktiv
Medallienspiegel
WM 0 × 0 × 1 × Juniore-WM 0 × 1 × 0 ×
Alpini Skiwältmeischterschafte Bronze St. Moritz 2017 Kombination Alpine Ski-JWM Silber Québec 2006 Kombination
Platzierige im alpine Skiwältcup
Debüt im Wältcup 9. März 2008  Wältcupsiig 1  Gsamtwältcup 7. (2018/19, 2019/20)  Abfahrtswältcup 5. (2018/19)  Super-G-Wältcup 1. (2019/20)  Kombinationswältcup 3. (2018/19)
Podiumsplatzierige 1. 2. 3.  Abfahrt 0 1 1  Super-G 1 5 3  Super-Kombination 0 1 0
letschti Änderig: 23. März 2021

Dr Mauro Caviezel (* 18. Augschte 1988) isch e Schwyzer Skirännfahrer. Är ghert em B-Kader vum Schwyzer Skiverband aa un isch uf d Diszipline Abfahrt un Super-G spezialisiert. Sy jingerer Brueder Gino isch au Skirännfahrer.

Biografy

Dr Caviezel isch ab em Winter 2003/2004 bi FIS-Ränne un bi nationale (Juged-)Maischterschafte derby gsii. Är het mehreri Medallie bi Schwyzer Junioremaischterschaften un d Bronzemedallie im Super-G bim European Youth Olympic Festival 2005 z Monthey gwunne. No sym erschte Siig in eme FIS-Ränne isch dr Caviezel im Februar 2006 zum erschte Mol im Europacup gstartet. Ai Monet speter het er bi dr Juniorewältmaischterschaft 2006 in dr kanadische Provinz Québec d Silbermedallie in dr Kombination gwunne. Im Europacup sin em ab dr Saison 2007/2008 Top-10-Blatzierige in dr Diszipline Slalom un Super-Kombination glunge. Dr erscht Podeschtblatz het er am 3. Merz 2010 mit Rang drei in dr Super-Kombination vu Sarntal/Reinswald gschafft. Dr zweet Podeschtblatz isch am 7. Jänner 2011 mit Blatz drei im Super-G vu Wengen chuu.

Syt Merz 2008 isch dr Caviezel au verainzlet im Wältcup am Start, aafangs im Slalom un syt 2011 im Super-G un im Riiseslalo. Sy bishär greschte Erfolg uf nationaler Ebeni het er im Merz 2011 gfyyrt, wun er z St. Moritz zytglych mit em Christian Spescha Schwyzer Maischter im Super-G woren isch. Am 24. Novämber 2011 isch dr Caviezel im zweete Durgang vum FIS-Riiseslalom vu Zinal schwär gheit. Näb ere Achselluxation het er si ne Riss vum vordere Chryzband un Verletzige am Ussemeniskus vum linke chnyy zuezoge, wäge däm isch d Saison 2011/12 fir ihn sch frihzytig z Änd gsii.

Erscht im Merz 2013 het dr Caviezel wider chenne Skiränne fahre. Am 11. Jänner 2014 het er uf dr verchirzte Lauberhornabfahrt z Wenge sy erschte Europacupsiig gfyyrt. Sechs Däg speter het er au z Wenige syni erschte Wältcuppinkt gwunne, mit Blatz 12 in dr Super-Kombination. Am 26. Jänner 2014 isch er in dr Super-Kombination vu Kitzbühel uf dr 5. Blatz gfahre un het dodermit sy erschti Top-10-Klassierig ghaa; s nämlig Ergebnis het er am 19. Merz 2015 im Super-G vu Méribel ghaa.

Bi dr Wältmaischterschaft 2017 z St. Moritz het er mit dr Bronzemedallie in dr Alpine Kombination sy bishär greschte Erfolg ghaa.

Erfolg

Wältmaischterschafte

• Vail/Beaver Creek 2015: 13. Alpini Kombination, 17. Super-G
• St. Moritz 2017: 3. Alpini Kombination, 20. Super-G, 21. Abfahrt
• Åre 2019: 7. Alpini Kombination, 9. Abfahrt

Olympischi Spiil

• Sotschi 2014: 28. Riiseslalom
• Pyeongchang 2018: 12. Alpini Kombination, 13. Abfahrt

Wältcup

• 12 Podeschtblätz, dodervu 1 Siig:

Datum	Ort	Land	Disziplin
12. Dezember 2020	Val-d’Isère	Frankreich	Super-G

Wältcupwärtige

Saison	Gsamt		Abfahrt		Super-G		Kombination		Parallel
	Platz	Punkte	Platz	Punkte	Platz	Punkte	Platz	Punkte	Platz	Punkte
2013/14	77.	67	–	–	–	–	6.	67	–	–
2014/15	42.	197	38.	35	19.	100	8.	62	–	–
2016/17	33.	263	24.	70	10.	135	10.	54	–	–
2017/18	23.	358	12.	177	15.	91	5.	90	–	–
2018/19	7.	696	5.	282	3.	324	3.	90	–	–
2019/20	7.	669	10.	220	1.	365	8.	80	39.	4
2020/21	22.	307	24.	82	4.	225	–	–	–	–

Europacup

• Saison 2010/11: 5. Super-G-Wärtig
• Saison 2013/14: 8. Abfahrtswärtig
• 4 Podeschtblätz, dodervu 1 Siig:

Datum	Ort	Land	Disziplin
11. Jänner 2014	Wenge	Schwyz	Abfahrt

Juniorewältmaisterschafte

• Québec 2006: 2. Kombination, 6. Abfahrt, 9. Super-G, 13. Riiseslalom, 17. Slalom
• Altenmarkt 2007: 5. Slalom, 7. Super-G, 22. Abfahrt
• Formigal 2008: 26. Abfahrt

Anderi Erfolg

• 3 Schwyzer Maischtertitel (Super-G 2011 un 2014, Abfahrt 2015)
• Bronzemedallie im Super-G bim European Youth Olympic Festival 2005
• 13 Siig in FIS-Ränne

Weblink

 Commons: Mauro Caviezel – Sammlig vo Multimediadateie

• Websyte vum Mauro Caviezel
• Mauro Caviezel in dr Datebank vum Internationale Skiverband FIS (änglisch)
• Mauro Caviezel bei Ski-db (englisch)
• Steckbrief bi Swiss-Ski

Fueßnote

Dä Artikel basiert uff ere fräie Übersetzig vu dere Version vum Artikel „Mauro_Caviezel“ vu de dütsche Wikipedia. E Liste vu de Autore un Versione isch do z finde.