Mauldascha

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Mauldascha en Floischbriah


Mauldascha send gfüllde Däschle odr Rolla vo Nudeldoig.

Macha[ändere | Quälltäxt bearbeite]

D Füllung isch a Mass aus Brät odr Hackfloisch ond alde Weckle (ähnle wia fir Floischküachle) mid Bolla ond Schpinat. Macha ka mr se auf vrschiedene Arda, zom Beischpil en ara Floischbrüh hoiss macha odr en Schdroifa schneida ond aaröschte, wahlweis no a Ei driber. Maultasche send ois vo de schwäbische Nationalgrichd.

Dr Nudldoig muaß so denn sei, dass d Fillong durchscheind. S Broblem bei Mauldascha aus dr Fabrik isch, dass des do ned gohd. Au kaa ma koin Mehldoig nemma ond muaß en Doig mid Griaß nemma, drmid se feschd bleibad.

Om se an d Aaschbrüch vo de Leid aazbassa, mached se heid au Mauldascha, mo blos Rendfloisch dren hen, abr au ganz ohne Floisch – fegedarisch – sen.

D Mauldascha hoissad au Herrgottsbscheisserle weil ma se en dr Faschdazeid – ma siechd jo koi Floisch – hod essa kenna[1]

Aamergonga[ändere | Quälltäxt bearbeite]

D Margarete von Tirol-Görz (* 1318 en Tirol, † 3. Oktober 1369 en Wien) mo d Dochdr vom Heinrich Herzog vo Kärnten ond Graf vo Tirol ond Görz aus seinr Ehe mid dr Adelheid vo Braunschweig ond Gräfin vo Tirol ond Görz gwea isch, hod ma au Margarete Maultasch ghoissa.

S geid en Tirol au a Burg Maultasch.

Lidradur[ändere | Quälltäxt bearbeite]

  • Henning Drewes, Daniel Jüttner: Maultaschen - Schwäbisches Soulfood, Silberburg-Verlag Tübingen, 2016, ISBN 978-3-8425-1444-7

Weblink[ändere | Quälltäxt bearbeite]

 Commons: S Macha vo Maultdascha – Album mit Multimediadateie

Mo s her isch[ändere | Quälltäxt bearbeite]

  1. Maultaschen – nicht nur zur Fastenzeit. Abgrüeft am 20. März 2019.