S Massaker vo Diir Jassin

Diir Jassin

E Lääserbrief an d New York Times, underschriibe vom Albert Einstein, dr Hannah Arendt und andere.

Diir Jassin (arabisch دير ياسين‎ Dair Yāsīn bzw. im palestinensische Dialäkt Dēr Yāsīn) isch e palestinänsischs Dorf gsi, am Blatz wo hüte die orthodoxi Siidlig Giv'at Scha'ul im Nordweste vo Jerusalem lit. S Dorf het öbbe 600 Iiwooner gha, wo s am 9. April 1948 wääred em Bürgerchrieg in Palestina vo paramilidäärische Verbänd vo de Undergrundorganisazioone Irgun Zwai Leumi (Etzel) und Lechi aagriffe und iignoo worde isch. Wil s e Hufe ziviili Opfer gee het, säit mä dere Akzioon au s Massaker vo Diir Jassin.

Arabischi Kämpfer und bewaffneti Iiwooner häi sich in de Hüüser zämme mit Ziviliste verschanzt und vo dört us uf d Aagrifer gschosse. Die si druf vo Huus zu Huus gange und häi Handgranaate dur d Fänster gheit. D Erooberig vo Diir Jassins het meereri Stunde brucht.

E Däil vo de Fraue si umchoo, wil sich araabischi Manne zum Däil als Fraue verchläidet häi. Dorum häi mänggi jüüdisch Soldaate nid nume uf araabischi Soldaate gschosse sondern au uf Ziviliste.

S Massaker isch offiziell vo alle Site verurdäilt worde, au vo dr Hagana und dr Jewish Agency. Es isch äine vo de Gründ gsi, dass wo dr Palestinachrieg am 14. Mai 1948 richdig aagfange het – also 35 Dääg spööter – scho zwüsche 250'000 und 300'000 araabische Palestinänser scho gflüchdet si.

Liddratuur

• Daniel A. McGowan (Hrsg.): Remembering Deir Yassin : the future of Israel and Palestine. Olive Branch Press, New York 1998, ISBN 1-56656-291-0.
• Sharif Kananah, Nihad Zaytuni: Deir Yassin القرى الفلسطينية المدمرة, Birzeit University Press, 1988.
• Uri Milstein: Blood Libel at Deir Yassin: The Black Book. (Hebräisch: עלילת דם בדיר יאסין – הספר השחור), National Midrasha Publishers and Survival Institute Publishers, 2007.
• Benny Morris: The Historiography of Deir Yassin. In: Journal of Israeli History Bd. 24 Nr. 1 (2007), S. 79–107.
• Benny Morris: The Birth of the Palestinian Refugee Problem Revisited. Cambridge University Press, Cambridge 2004, ISBN 0-521-81120-1.
• Ilan Pappe: The Ethnic Cleansing of Palestine. Oneworld, Oxford 2006, ISBN 978-1-85168-467-0. Dütsch: Die ethnische Säuberung Palästinas. Zweitausendeins, Frankfurt am Main 2007, ISBN 978-3-86150-791-8.
• Tom Segev: Es war einmal ein Palästina. Juden und Araber vor der Staatsgründung Israels. Pantheon, München 1999, ISBN 3-570-55009-5. 
• Tom Segev: Die ersten Israelis. Die Anfänge des jüdischen Staates (Originaltitel: 1949, the First Israelis, übersetzt vom Helmut Dierlamm und Hans Freundl), Siedler, Münche 2008, ISBN 978-3-570-55113-4, S. 125–129.

Weblingg

 Commons: Deir Yasin – Sammlig vo Multimediadateie

• The Deir Yassin Remembered Documentary Dokumentazioonssite, ängl.

Fuessnoote

31.78647535.178033333333