Martine Kempf

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Elsassisch

D Martine Kempf (* 9. Dezamber 1958 Stroßburg) ìsch a frànzeescha Unternammer. Ìn ìhra Jugend ìsch sa bekànnt worra wial sa d Katalavox, a Sprocherkennungssytem, entwìckelt hàt.

Jugend[ändere | Quälltäxt bearbeite]

D Martine Kempf hàt ìn dr Walldorf Schüel gleht, ìm Frànkrìch un ìn Ditschlànd. Sa beherrscht drèi Sprocha un spììlt drèi Müsikìnschtrumanta: Piano, Giiga, Fagott. Ànna 1980 hàt sa s Baccalauréat ìm frànzeescha Gymnàsium vu Athen bikumma.[1]

Sa ìntressiart sìch àn Mathematik un Wìssaschàft, bsunderscht Àschtronomii; ìn dam Bereich hàt sa ìhra Studia ààgfànga. Nawesbii ìntressiart sì sìch aui àn Elektronik: wo sa küüm 22 Johr àlt gsìì ìsch, hàt d Martine Kempf ìhra erschta elektronischa Màschìnla entwìckelt: s COMELDIR MULTIPLEX.[2]

Ìhra Vàter, dr Jean-Pierre Kempf († 2002), ìsch làhm gsìì un hàt a Auto benutzt wo dr Fàhrer numma d Hand brüücht. Ar hàt a Unternamma grìnda wo Auto fer Behìnderta harstellt.

Entwìcklung vum Katalavox[ändere | Quälltäxt bearbeite]

Ànna 1983 hàt d Martine Kempf a Sprocherkennungsprogramm entwìckelt, gnennt „Katalavox“. Mìt dam System brüücht ma nìt amol kè Hand meh, numma noch d Stìmm. As blibt ìm gliicha Prìnzip às d Auto wo ìhra Vàter produziart, àwer mìt'ma Fortschrìtt: so känna noch mehr Behìnderta àn Autonomie gwìnna. Mìt dr Katalavox kààt ma a Rollstüehl ìn verschìdena Rìchtunga fiahra, numma dur d Stìmm.

Mìt dara Entwìcklung ìsch sa vììl vu da Media iglàda worra. Àls junga begàbta Erfìndera, wo gànz allei aso ebbis hàt känna harstella, ìsch sa ufgfàlla. Zwei Johr speeter, àm 31 Oktower 1985, hàt's plätzlig a ànder Ton ìn da Media gaa[3]: d Katalavox sèig kè so tecknologischa Revolution, d System vu dr Konkurranz sèiga besser.

D Martine Kempf hatt a finànziella Hìlf vum frànzeescha Stààt erwàrta, sa hàt àwer nit bikumma. Noh dam ìsch sa ìm Oktower 1985 ìn d Silicon Valley, ìn Kàlifornia, gànga, ìhra Firma z grìnda.[4]

D Katalavox hàt a Erfolgriicha Kàrriar ghàà, sa wìrd jetz meischtens vu da Chirurg benutzt.[5]

Witterscht ìn dr Fàmìliaunternamma[ändere | Quälltäxt bearbeite]

Noh-n-em Rod vu sim Vàter ànna 2002 hàt d Martine Kempf si Unternamma ìwernumma, sa süecht ìmmer bessera Leesunga àss d Behìnderta Auto känna fàhra: zum Beispiel „Darios“, a Rìng unter em Lenkràd fer d Gwìndigkeit reegla[6], oder „Picado“, wo a Rückstellkràft ìn'ma Knopf àm Lenkràd gìtt[7]. Ìhra Firma, KEMPF Inc. un KEMPF SAS[8], befìnda sìch jetz ìm Elsàss, ìn Kàlifornia un ìn Chinà.[9]

Üszeichnunga[ändere | Quälltäxt bearbeite]

  • 2006: 1. Priis àm regionàla Concours Lépine[10]

Referanza[ändere | Quälltäxt bearbeite]

  1. Martine Kempf, frauen-genial.de (de)
  2. KEMPF Martine, le génie de la commande vocale, uf femmesremarquablesalsace.com (fr)
  3. Les cahiers du journalisme N°3, Juni 1997 (fr)
  4. L'« American dream » de Martine Kempf, la croix, 03.01.2007 (fr)
  5. Thanks to Martine Kempf's Little Black Box, When People Talk, Machines Listen—and Obey, people.com, 26.05.1986 (en)
  6. Du génie et de lasolidarité sous le capot, DNA, àm 20.03.2010 (fr)
  7. Kempf au volant du marché chinois, DNA, 22.01.2014 (fr)
  8. Who is Martine Kempf, kempf-usa.com (en)
  9. Martine Kempf, 30 ans déjà, uf france 3 Grand-Est, àm 09.12.2014 (fr)
  10. Concours Lépine, Invention Magazine - Septamber/Oktower 2006 (fr)