Martina Braun

Dialäkt: Undermarkgreflerisch

D Martina Braun (* 3. April 1960 z Furtwangen im Schwarzwald) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg

Uusbildig un Beruef

Anne 1976 het d Braun e dreijehrigi Lehr zur Pharmazeutisch-tächnische Assischtenti (PTA) an dr Beruefsfachschuel z Fryybeg gmacht. Derno het si fimf Johr lang in verschidene Abedeeke gschafft. Ab1983 hetsi zäme mit ihrem Mann en Biobuurehoof im Furtwangen Ortsdail Linach gfiert, 2017 hän si dr Hof an ire eltscht Suhn ibergee.

Bolitischi Karriere

Vu 1999 bis 2009 isch d Braun stellverdrättendi Ortsvorsteheri vu Linach gsii. Anne 2008 isch si in d Bartei Bindnis 90/Di Griene yydrätte. Syt 2009 isch d Martina Braun Chraisreeti im Schwarzwald-Boor-Chrais, syt 2012 dert au im Vorstand vum Chraisverband vu dr Griene. Anne 2011 het si zum erschte Mol fir ihri Bartei as Diräktkandidati im Landdagswahlchrais Villinge-Schwenninge kandidiert. Im Zug vu dr Landdagswahl 2016 het si si geg dr bishärig Verdrätter vum Wahlchrais, dr Karl Rombach (CDU), chenne duresetze un het mit 31,6 % vu dr Wehlerstimme s Erschtmandat gwunne, s erscht fir di Griene.

In ihre Landdagsfraktion isch d Martina Braun in dr Legislaturperiod 2016 bis 2021 Sprächeri fir dr Ländlig Ruum gsii. Si het dr Arbetschrais Ländlige Ruum un Verbruucherschutz vu dr Fraktion glaitet un isch Mitglid im glychnamige Uusschuss un au im Petitionsuusschuss gsii.

Bi dr Landdagswahl 2021 het si ire Diräktmandat mit 34,6 % vu dr Stimme chenne verdaidige. Syt Juni 2021 isch d Martina Braun dierschutzbolitischi Sprächeri vu ire Fraktion. In dr Legislaturperiod ab 2021 isch si Mitglid im Uusschuss fir Ernehrig, Ländlige Ruum un Verbruucherschutz un im Uusschuss fir Verchehr.

Ihri Themeschwärpinkt sin Nochhaltigi Landwirtschaft un Mobilitet im Ländlige Ruum.

Familie un Privats

D Martina Braun isch syter anne 1983 mit em Roman Braun ghyrote un isch Mueter vu drei Chinder.

Weblink

Dä Artikel basiert uff ere fräie Übersetzig vu dere Version vum Artikel „Martina_Braun“ vu de dütsche Wikipedia. E Liste vu de Autore un Versione isch do z finde.