Martin Gotthard Schneider

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Martin Gotthard Schneider (* 26. April 1930 z Konschtanz; † 3. Februar 2017 ebedert) isch e dytsche Chilchemusiker, Chilchemusikdiräkter un Landeskantor.

Lääbe[ändere | Quälltäxt bearbeite]

Dr Schneider het z Haidelbärg, z Dibenga un z Basel evangelischi Theology] u nun Chilchemusik studiert. Ab 1958 het er z Fryburg gschafft, zerscht as Vikar an dr Ludwigschilche, vu 1960 bis 1970 as Religionslehrer am Kepler-Gymnasium. In däne Johr het er scho mit ere brait gfächerete Chilchemusik aagfange. Zytwys het er näbeberuefli as Chilchemusiker an dr Christuschilche un dr Pauluskirche gschafft un isch Bezirkskantor im Chilchebezirk Fryburg gsii. Anne 1958 isch er Bryysdreeger bim Internationale Improvisationswettbewärb Haarlem gsii. Im Johr 1961 het er z Fryburg d Heinrich-Schütz-Kantorei grindet, wun er bis 2009 glaitet het. 1970 isch dr Schneider zum Chilchemusikdiräkter wore. Vu 1970 bis 1995 het er di hauptberuefli Kantorestell an dr Ludwigschilche un dr Pauluschilche ibernuu, un vu 1975 bis 1995 s Amt vum Landeskantor fir Sidbade. Vu 1963 bis 1997 het er an dr Musikhochschuel Fryburg glehrt, zerscht s Fach Orgelimprovisation, speter au Liturgik, Hymnology, Gmaisinge, theologischi Information. 1980 isch er zum Brofässer wore.

Dr Martin Gotthard Schneider isch am 3. Februar 2017 im Alter vu 86 Johr z Konschtanz gstorbe.

Wäärch[ändere | Quälltäxt bearbeite]

S kompositorisch Schaffe vum Martin Gotthard Schneider isch an dr chilche,musikalische Praxis orientiert un umfasst Chor- un Orgelmusik. Vor allem as Autor vu neie gaischtlige Lieder isch dr Schneider firidrätte. 1961 het er fir sy Lied Danke für diesen guten Morgen dr 1. Bryys im Liederwettbewärb vu dr Evangelische Akademy Tutzing iberchuu. Mer chännt au sy Lied Ein Schiff, das sich Gemeinde nennt (2. Bryys 1963). 1975 isch sy Liederbuech Sieben Leben möcht ich haben erschine. Orgelimprovisationen un Chormusik mit em Martin Gotthard Schneider sin uf CD uusechuu. Im Evangelische Gsangbuech (EG) het s sechs Lieder vum Schneider.

Uuszaichnig[ändere | Quälltäxt bearbeite]

  • 1996: Verdienschtchryz am Band vu dr Bundesrepublik Dytschland

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „Martin_Gotthard_Schneider“ vu de dütsche Wikipedia.

E Liste vu de Autore un Versione isch do z finde.